Jue Mun 3:3 - NYANMIƐN NDƐ'N 1998

³ Sran kpanngban be kan min wun ndɛ se kɛ: «Nga, Nyanmiɛn su de-mɛn i!»

Jue Mun 3:3 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Bo Bolɛ 40:13

Ɔ'a ka cɛn nsan Ezipt famiɛn'n wa yo man a ´nyan kɔmin. A wa di ɔ junman laa'n ekun. A ´fa Ezipt famiɛn'n i klowa'n a ´wlɛ i sa nun kɛ a fa yo i laa bɔ be nian yi-man ɔ junman nun'n sa.

2 Famiɛn Mun 18:30

Sɛ ɔ se amun kɛ amun `fa amun wla'n gua Anannganman su nan Anannganman ɔ ´de amun yɛ Asiri famiɛn'n su fa-man klɔ nga'n, nán amun fa su.

2 Famiɛn Mun 18:32

Cɛn nga m ba'n, n ´fa amun n ´kɔ mɛn kun b'ɔ ti kɛ amun liɛ sa'n nun. Mɛn sɔ'n i asiɛ'n ti kpa. Ble nga be fa yo kpaun'n, nin vinyi nga be fɛ i mma'n yi nzan'n, ɔ nin olivie nga be fɛ i mma'n yi ngo'n, ninnge sɔ'm be yo ye lɔ kpa. Awɛma nzue o lɔ ekun. Amun su wu-man, sanngɛ amun ´nyan nguan. I ti nán amun tie Ezekias b'ɔ kpɛ amun gblɛ'n i nuan ndɛ'n. Ɔ se amun kɛ: Anannganman ´de ye! Gblɛ yɛ ɔ kpɛ-ɔ!

2 Famiɛn Mun 25:27

Kɛ be trali Zozakin b'ɔ ti famiɛn'n i lomuɛn bɔ be fɛli i ɔli'n i afuɛ ablasan-nin-nso'n su'n, Babilɔni famiɛn bɔ be flɛ i Evil-Mɛrɔdak'n sili i aunnvuɛ, nan ɔ'a yi i bisua'n nun ɔ'a fite. Afuɛ sɔ'n i anglo blu-nin-nnyɔn'n su yɛ ɔ yili i-ɔ. Kɛ ɔ ´yo sɔ'n, wuun anglo'n ɔ'a di le ablaɔn-nin-nso. Afuɛ kunngba nga Evil-Mɛrɔdak yoli famiɛn'n, i nun yɛ ɔ yili Zozakin nin-ɔn.

Jue Mun 110:7

Kɛ famiɛn'n ɔ ´sɛ i sin ba'n, ɔ ´nɔn nzue nzue ba'n nun, kpɛkuun ɔ ´kwla man i ti'n su.

Jue Mun 119:114

Wɔ nun yɛ n fia-a, a sasa min kɛ nyrɛn sa. Ndɛ nga a ko kan'n, yɛ m minndɛ i-ɔ.

Jue Mun 18:2

Ee! Anannganman, n klo wɔ! Wɔ yɛ a man min wunmiɛn-ɔn.

Jue Mun 27:6

Kpɛkuun min yɛ m'an nyan kɔmin min kpɔfuɛ nga be sin yia min'n be nyrun yɛ. N ´yi sraka Anannganman i sua'n nun n ´fa mɛn i. M ´bo awɛ, n ´to jue, m ´mɛnmɛn i.

Jue Mun 28:7

Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

Jue Mun 4:3

?Amun klɔ sran mun, amun ´saci min dunman lele ju cɛn onin? ?Amun ´tɔn min suɛn ngbɛn'n lele ju cɛn onin? ?Like nga bɔ m'an yo-man'n bɔ amun fa sie mín su'n, amun ´yo i sɔ lele ju cɛn onin?

Jue Mun 62:7

Nanwlɛ, i kunngba yɛ ɔ ti kɛ min yɛbuɛ sa yɛ n talo i-ɔ. I yɛ man n nyan min ti-ɔ. Ɔ ti min fiawlɛ sua, ɔ man srɛ kun-man min yɛ min wun usu-usu-man min.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Ezai 45:25

Sanngɛ Anannganman ɔ ´bu Izraɛlfuɛ'm be sran kpa, yɛ be ´fɛ i sɔ'n di bé nuan.

Ezai 60:19

Nán wia'n yɛ ɔ wa kpaja ɔ́ su wia'n nun kun-ɔn, nán anglo'n yɛ ɔ wa ta ɔ́ su kɔnguɛ kun-ɔn, sanngɛ Anannganman yɛ ɔ ´yo kɛ ɔ kannin sa tititi-ɔ. Ɔ Nyanmiɛn'n yɛ ɔ ´yo kɛ like b'ɔ kpaja ɔ su sa-a .

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»

Sa nglô yile 21:11

Nyanmiɛn wun'n kpaja nyannyan klɔ'n su. Klɔ'n su kpaja kɛ yɛbuɛ kpakpa'n sa. Ɔ fa zasp b'ɔ ti kɛ laglasi bɔ kɛ a nian-an a wun i klun lɔ'n sa.

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .