Jue Mun 27:9 - NYANMIƐN NDƐ'N 1998

⁹ Nán kaci ɔ́ sin si min. Nán fa ya fuan min. Wɔ yɛ a ti min ukafuɛ-ɔ, nán yi min ase, nán yi min gua'n su. Wɔ Nyanmiɛn'n, wɔ yɛ a ti min defuɛ-ɔ!

Jue Mun 27:9 ပူးပေါင်းရင်းမြစ်များ

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

Jue Mun 102:2

Anannganman, tie min srɛlɛ'n, sie ɔ́ su tie kpanlɛ bɔ n kpan n flɛ wɔ'n.

Jue Mun 102:3

Kɛ n wo nyrɛnnɛn'n nun'n, nán kaci ɔ́ sin si min. Kɛ n flɛ wɔ'n, sie ɔ su tie. Kan ɔ́ wun tɛ min su.

Jue Mun 119:121

N fa mmla'n su, yɛ n yo sa i nuan su. Nán fa min wla min yalɛ klefuɛ'm bé sa nun.

Jue Mun 13:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 143:7

Anannganman, tɛ mín su ndɛndɛ. N wun-man sa wie fi yowlɛ bɔ kun. Nán yi ɔ́ nyin mín wun! Ɔ ti-mɛn i ti-ɔ, wie'n ɔ ´kun min.

Jue Mun 24:5

I sɔ sran liɛ'n, Anannganman'n ɔ ´yrɛ i nguan. Nyanmiɛn b'ɔ ti i defuɛ'n, ɔ ´si i aunnvuɛ.

Jue Mun 44:24

Min Min, jaso. ?Nguɛ ti yɛ a lafi-ɔ? Tinnge, nán yi ye ase mlɔnmlɔn sa!

Jue Mun 51:11

Yi ɔ nyin mín sa tɛ'n su, nunnun sa nga n yoli'n kwlaa.

Jue Mun 69:17

Anannganman, tɛ mín su, afin a ti kpa, ɔ klun ti ufue. Aunnvuɛ dan bɔ a si'n ti, nian min nyrun.

Jue Mun 69:18

Nán ɔ nyin kpɛ min bɔ n ti ɔ sufuɛ'n min wun. N wo nyrɛnnɛn nun. Kan ɔ wun tɛ mín su.

Jue Mun 88:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo blo. Be waan Eman b'ɔ ti Ɛzrafuɛ'n i jue-ɔ.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Ezai 59:2

Sanngɛ amún sa tɛtɛ'm bɔ amun yo be'n be ti kɛ talɛ yɛ ɔ ja amun nin amun Nyanmiɛn'n amun afiɛn sa. Amún sa tɛ'n ti yɛ ɔ nian-man amun nyrun nin-ɔn, i ti yɛ ɔ sie-mɛn i su ti-man ndɛ nga amun kan nin-ɔn.

Zeremi 32:40

E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

1 Samiɛl 7:12

Samiɛl fali yɛbuɛ kun sieli i Mizpa nin Sɛn be afiɛn, kpɛkuun ɔ tɔnnin i dunman kɛ Ebɛn-Ezɛr. I waan: «Kɛ ɔ fɛ i laa lele b'ɔ ´fa ju yɛ'n Anannganman ukali ye.»