Jue Mun 27:1 - NYANMIƐN NDƐ'N 1998

¹ Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 27:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 29:3

I kannin'n ɔ jue mín ti'n su. I kpajalɛ'n ɔ dun mmua min nyrun aosin'n nun.

Jue Mun 11:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman i nun yɛ n kunndɛ fiawlɛ-ɔ. ?Ɔ yo sɛ ti yɛ amun se min kɛ: «Wanndi kɔ oka'm be nun lɔ ko fia kɛ anunman wie yɛ ɔ su tu sa nin-ɔn?»

Jue Mun 118:21

M ´manman wɔ afin kɛ n flɛli wɔ'n, a tɛli min su, wɔ yɛ a deli min-ɔn.

Jue Mun 118:6

Anannganman jin mín sin, n sro-man like fi. ?Kɛ nguɛ like sa yɛ sran'm be kwla yo min-ɔn ?

Jue Mun 18:28

Sran nga be kan bé wun ase'n, a de be nvle'n. Yɛ be nga be yo bé wun dandan'n, a kan be ase.

Jue Mun 18:29

Anannganman min Nyanmiɛn, a ti kɛ min kannin sa. A kpaja min nyrun aosin'n nun.

Jue Mun 18:46

Aofuɛ'm be wun-man like nga be `fa be wla'n gua su kun-ɔn. Kɛ be ´fin bé fiawlɛ'm be nun be fite'n, kɛ bé wun usu-usu be sa.

Jue Mun 19:14

Wun tufuɛ'm be ti, sasa min bɔ n ti ɔ sufuɛ'n. Nán be fu min su! I liɛ'n, sran fi su nyan-man ndɛ tɛ ɔ kɛn-mɛn i min wun, yɛ n su yo-man sa tɛ dan.

Jue Mun 3:8

Anannganman, jaso! Min Nyanmiɛn, de min! A fin min kpɔfuɛ'm bé nuan'n su. A bubu klunwifuɛ'm be je'n.

Jue Mun 43:2

?Wɔ bɔ a ti min Nyanmiɛn'n bɔ wɔ yɛ a sasa min'n, ɔ yo sɛ ti yɛ a yi min blo-ɔ? ?Ɔ yo sɛ ti yɛ ɔ fata kɛ awlaboɛ kun min-ɔn? ?Ɔ yo sɛ ti yɛ min kpɔfuɛ'm be mianmian min sa nin-ɔn?

Jue Mun 62:2

Nanwlɛ, Nyanmiɛn kunngba yɛ man mín wla'n kwla gua ase-ɔ, sɛ n ´nyan mín ti-ɔ, ɔ fin i.

Jue Mun 62:6

Nanwlɛ, Nyanmiɛn kunngba yɛ n kɔ i sin-ɔn, yɛ min wla'n ɔ ´gua ase-ɔ. Afin sɛ n ´nyan like n ´fa min wla'n n gua su'n, ɔ fin i.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 2:5

Zakɔb i osu'n nunfuɛ mun, amun `bla man e `nanti Anannganman i lika b'ɔ kpaja weiin'n nun.

Ezai 45:24

Be ´se kɛ: «Anannganman kunngba cɛ yɛ ɔ di nanwlɛ-ɔ, i kunngba cɛ yɛ ɔ lɛ wunmiɛn-ɔn.» Be kwlaa nga be jasoli i wun'n, be ´bɛ i sin, yɛ be ´wun nyannzuɛn .

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Matthieu 8:26

Ɔ usali be kɛ: «?Nguɛ ti yɛ srɛ kun amun-ɔn? ?An lafi-man Nyanmiɛn su ti-ɔ?» Ɔ jasoli, ɔ ijɔli aunngban'n nin nzue'n, nan b'a jran diin.

JÉSUS-CHRIST I DYASIN FE'N BO LUC KLELI'N 2:30

Afin m bɔbɔ m'an wun defuɛ'n bɔ a fa mannin ye'n nin min nyinma.

JÉSUS-CHRIST I DYASIN FE'N BO LUC KLELI'N 3:6

Yɛ sran'm be kwlaa be ´wun delɛ nga Nyanmiɛn ´fa de be'n .»

Jean 1:9

Like sɔ'n yɛ man sran'm be wun ase sakpa-a. Kɛ ɔ bali mɛn nun'n, ɔ man sran'm be kwlaa be wun ase .

Jean 8:12

Jésus kan kleli be ekun kɛ i yɛ ɔ kpaja mɛn nun-ɔn. I waan sran ng'ɔ su i su'n, kpajalɛ sɔ'n b'ɔ man nguan'n, ɔ man ɔ ´wun ase, yɛ ɔ su nanti-man aosin'n nun le.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

2 Korɛntfuɛ Mun 12:9

Sanngɛ ɔ seli n kɛ: «Ye nga n yo wɔ'n ɔ ju wɔ, afin kɛ sran'n ɔ lɛ-man wunmiɛn'n i nun sɔ'n nun yɛ n yi min wun nglo kɛ n kwla like'n kwlaa yo-ɔ.» Ɔ man n klun jɔ n fuɛn bɔ n ti'n su nan Krist yi i dan'n b'ɔ ti'n i nglo.

Mmla'n 7:18

Nán amun sro be. Sa nga Anannganman amun Nyanmiɛn'n fa yoli Ezipt famiɛn'n nin Ezipt mɛn wunmuan'n, man amun wla kpɛn su.

Mmla'n 7:21

Nán srɛ kun amun bé wun, afin Anannganman amun Nyanmiɛn'n nin amun o nun. Ɔ ti Nyanmiɛn kun b'ɔ ti dan yɛ ɔ yo sro.

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

Hébreu 13:6

I sɔ'n ti, e tra e anwlɛn e kan ndɛ nga be klɛli i kɛ: «E Min Nyanmiɛn'n yɛ ɔ ti n ukafuɛ-ɔ, srɛ kun-man min. ?Nzu yɛ sran kwla yo min-ɔn ?»

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .

Sa nglô yile 22:5

Lika'n su san-man kun. Be su kunndɛ-man kannin nin wia kun, afin e Min Nyanmiɛn'n yɛ ɔ ´kpaja klɔ'n nun-ɔn. Yɛ be ´di famiɛn tititi .

Sa nglô yile 7:10

Be kpan kekle kpa be se kɛ: «E Nyanmiɛn b'ɔ ti bia'n su'n, nin Bua Gbanflɛn'n, be ti yɛ e nyannin é ti-ɔ.»