Jue Mun 26:1 - NYANMIƐN NDƐ'N 1998

¹ Jue nga ti David liɛ. I waan: Anannganman, di min jɔlɛ mun klanman man min. Afin n nantili sein, m'an fɔn-man. N fa min wla'n n gua ɔ su. Srɛ kun-man min, min wun usu-man min.

Jue Mun 26:1 ပူးပေါင်းရင်းမြစ်များ

2 Famiɛn Mun 20:3

«Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Zɔb I Nyrɛnnɛn Wunlɛ 2:3

Anannganman usɛli i kɛ: «?A wun min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ. Ɔ tɛ jran cinnjin, be kwla saci-mɛn i wun bɔ kaan sa. ?Ɔ waan n kle i nyrɛnnɛn ngbɛn?»

Zɔb I Nyrɛnnɛn Wunlɛ 4:6

?Ɔ nyin b'ɔ yi Nyanmiɛn'n, nán i yɛ ɔ ti ɔ́ wla cicilɛ like-ɔ? ?Nán ɔ nantilɛ'n i jrɛin b'ɔ ti'n, i yɛ ɔ ti ɔ like bɔ a lafi su nin-ɔn?

Jue Mun 121:3

Ɔ su kplin-man su kɛ ɔ́ ja'n ɔ seli. Ɔ su nianfuɛ sɔ'n ɔ su lafi-man .

Jue Mun 15:2

?Nán sran ng'ɔ ti nanwlɛfuɛ nin-ɔn? ?Nán sran ng'ɔ yo sa i nuan su nin-ɔn? ?Nán sran nga kɛ ɔ ´kan ndɛ ng'ɔ o i klun lɔ'n, ɔ kpɛ-mɛn i wun nin-ɔn?

Jue Mun 21:7

Wɔ man kɛ be se kɛ sran ɔ'a nyan muae'n yɛ ɔ nyɛnnin i-ɔ. Kɛ a nin i be tran'n ti ɔ man i klun jɔ.

Jue Mun 25:2

Min Nyanmiɛn, n fa min wla'n n gua ɔ su, nán man n wun nyannzuɛn. Nán man min kpɔfuɛ'm be kwla min nan be sri min.

Jue Mun 25:21

Ɔ su yɛ n lafi-ɔ. Uka min, nán man n yo sa tɛ. Man n nanti kɛ ɔ fata'n sa.

Jue Mun 26:11

Min liɛ'n, n nantili sein, m'an fɔn-man. Si min aunnvuɛ, yɛ de min.

Jue Mun 28:7

Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

Jue Mun 31:14

Sran sunman be kan mín wun ndɛ tɛtɛ, n ti. Be wla min srɛ lika'n kwlakwla nun. Be cici min wun ndɛ. Min kunlɛ akunndan yɛ be bu-ɔ.

Jue Mun 35:24

Anannganman min Nyanmiɛn, wɔ bɔ a ti sɛsɛ'n, di min jɔlɛ'n i nanwlɛ. Nán be klun jɔ min ti.

Jue Mun 37:31

yɛlɛ kɛ ɔ fɛ i Nyanmiɛn'n i mmla mun sie, ɔ man ɔ tɔ-man.

Jue Mun 4:5

Sɛ amun fa ya'n, nán amun yo sa tɛ. Kɛ amun la amun bɛ'n su kɔnguɛ'n, amun `bu akunndan. Kpɛkuun amun `tran diin .

Jue Mun 43:1

Ee, Nyanmiɛn! Di min jɔlɛ mun klanman man min, jran min sin man e nin be bɔ be si-man wɔ'n e kan. De min gblɛfuɛ mun nin ndrunmun difuɛ'm bé sa nun.

Jue Mun 54:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n i wie. Kɛ Ziffuɛ'm be wa seli Sail kɛ: «David fia e afiɛn wa'n,» i sin yɛ ɔ kpɛli jue sɔ nin-ɔn. I waan:

Jue Mun 62:2

Nanwlɛ, Nyanmiɛn kunngba yɛ man mín wla'n kwla gua ase-ɔ, sɛ n ´nyan mín ti-ɔ, ɔ fin i.

Jue Mun 62:6

Nanwlɛ, Nyanmiɛn kunngba yɛ n kɔ i sin-ɔn, yɛ min wla'n ɔ ´gua ase-ɔ. Afin sɛ n ´nyan like n ´fa min wla'n n gua su'n, ɔ fin i.

Jue Mun 7:8

Man nvle-nvle'm be trantran sin yia wɔ. Tran ɔ famiɛn bia'n su nglo lɔ sie be.

Jue Mun 94:18

Kɛ n waan: «Ndɛ liɛ m'an tɔ o!» Kpɛkuun Anannganman, a suan min bo ɔ klun-ufue'n ti.

Nyanndra Mun 20:7

Sran kun ng'ɔ ti sran kpa'n, bɔ i klun ti ufue'n, cɛn nga b'ɔ nun-man nun kun'n, i mma ng'ɔ yaci be i sin wa'n, be nanti muae su.

Nyanndra Mun 29:25

Srongble'n i agualiɛ'n ti-man kpa. Sran ng'ɔ fɛ i wun wlɛ i Anannganman sa nun'n i liɛ'n, kɛ ɔ o lɛ'n yɛ ɔ wo-ɔ.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Hébreu 10:23

Man e tra like nga e kɛn i ndɛ kɛ é wla o su'n i kekle, nán man é sa'n kpɔ, afin Nyanmiɛn b'ɔ se kɛ ɔ ´yo man ye'n, ɔ ti nanwlɛfuɛ.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

2 Piɛr 1:10

Aniaan mun, i sɔ'n ti, an `bu flɛlɛ nin falɛ bɔ Nyanmiɛn fali amun'n i akunndan kpa nan an `jran kekle. Sɛ an yo sɔ'n, an su fɔn-man mlɔnmlɔn.

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.

1 Samiɛl 24:15

?Wan yɛ Izraɛl famiɛn'n nin i be su ko kun yɛ? ?Alua fuɛn kɛ min sa'n, sɔsɔwa kan kɛ min sa'n, min-ɔn?