Jue Mun 24:4 - NYANMIƐN NDƐ'N 1998

⁴ ?Nán sran nga ɔ'a yo-man sa tɛ fi, b'ɔ sa tɛ nun-mɛn i anwlɛn'n nun, b'ɔ ti-man ato buafuɛ, b'ɔ ta-man nda ngbɛn-ngbɛn nin-ɔn ?

Jue Mun 24:4 ပူးပေါင်းရင်းမြစ်များ

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Zɔb I Nyrɛnnɛn Wunlɛ 17:9

Man be bɔ be ti sɛsɛ'n, be tran cinnjin atin bɔ be fali'n i su. Man be bɔ be ti saun'n, be tra be anwlɛn.

Zɔb I Nyrɛnnɛn Wunlɛ 9:30

Man min li n wunnzin sanmlan nun, man n fa blɔ n wunnzin n sa nun,

Jue Mun 143:8

Nglɛmun'n, kɛ be ´se kɛ lika'n ɔ'a cɛn cɛ'n, man n wun ɔ klun-ufue'n nun weiin, afin ɔ su yɛ n fa min wla'n gua-a. Atin ng'ɔ ti bɔ n `fa su'n, kle min, afin ɔ́ su yɛ n lafi-ɔ.

Jue Mun 15:4

Ɔ nin sran nga Nyanmiɛn a yi i blo'n bé nuan sɛ-man. Sanngɛ ɔ klo sran nga i nyin yi Nyanmiɛn'n. Sɛ ɔ ta nda wie'n, kannzɛ ɔ wa miɛn i sa kasiɛn'n, ɔ kpɛ-mɛn i ndɛ ng'ɔ kannin'n i wun.

Jue Mun 18:20

Ɔ yili min fiteli, ɔ deli min, afin ɔ klo min.

Jue Mun 25:1

Jue nga ti David liɛ. I waan: Anannganman, n kpɛ mín nyin ɔ́ wun lɔ.

Jue Mun 26:6

Anannganman, n ´wunnzin mín sa nun man be ´wun kɛ m'an yo-man sa. M ´bo sin yia ɔ sɔwlɛ'n.

Jue Mun 51:10

Kan ndɛ fɛ kle min man min wun kpaja min nan n klun jɔ. Sɛ a yo sɔ'n, min bɔ a kleli min nun'n, min wun ɔ ´sanndi min.

Jue Mun 51:12

Ee Nyanmiɛn, man min anwlɛn kun bɔ i nun ti weiin, yo man n sin min osu nun n `fa akunndan kpa nan ɔ ka min nun.

Jue Mun 73:1

Jue nga ti Azaf liɛ. I waan: Nanwlɛ, Anannganman yo Izraɛl i kpa. Ɔ yo be nga be anwlɛn'n nun ti weiin'n be kpa kusu.

Nyanndra Mun 20:9

?Wan yɛ ɔ kwla se kɛ: «Mín wla'n ɔ'a gua ase. N si n klun lɔ weiin kɛ sa tɛ nun-man mín wun-ɔn ?»

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Zeremi 5:2

Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Ezekiɛl 18:15

sɛ ɔ di-man amuɛn aliɛ oka'm be su'n, amuɛn nga Izraɛlfuɛ'm be sɔ be'n, sɛ ɔ sɔ-man wie'n, sɛ ɔ kunndɛ-man i wiengu yi'n,

Ezekiɛl 18:6

ɔ di-man amuɛn aliɛ nga be di i oka'n su'n wie. Ɔ sɔ-man amuɛn nga Izraɛlfuɛ'm be sɔ'n wie. Ɔ kunndɛ-man i wiengu yi. Yɛ ɔ nin bla nga i sa a bu'n be si-man sua.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 5:8

Be nga sa tɛ fi nun-man be anwlɛn'n nun'n, be liɛ su ti ye, afin be wa wun Nyanmiɛn !

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Sa nga bé yôli'n 15:9

Ɔ'a bu-man ye kpa a tra-man be, afin Jésus su bɔ be lafi'n ti, Nyanmiɛn man bé wun sa'n kwlaa wieli.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

Sa nglô yile 21:27

Like fiɛn fi nin sran ng'ɔ fɛ i wun man tete sa yolɛ'n b'ɔ bua ato'n, be su ju-man lɔ. San be nga be klɛli be dunman Bua Gbanflɛn'n i nguan fluwa nun'n be cɛ yɛ be ´ju lɔ-ɔ .