Jue Mun 2:4 - NYANMIƐN NDƐ'N 1998

⁴ Kɛ be kɛn i sɔ'n, ɔ kle Anannganman i srilɛ. Ɔ o nyanmiɛn su lɔ ɔ to be mma.

Jue Mun 2:4 ပူးပေါင်းရင်းမြစ်များ

2 Famiɛn Mun 19:21

Nan nga m bɔbɔ n ´fa tɛ i su'n yɛ: Sankerib, Siɔnfuɛ'm be bu-man wɔ like fi, srilɛ yɛ be sri wɔ-ɔ! Kɛ be wun wɔ'n, be keje be ti'n sɛkɛsɛkɛ.

Jue Mun 11:4

Anannganman wo i sua b'ɔ ti i liɛ klonglo'n i nun lɔ. Anannganman i famiɛn bia'n wo nyanmiɛn su lɔ. Yɛ ɔ nian, ɔ nian sa nga klɔ sran'm be yo'n .

Jue Mun 115:3

E Nyanmiɛn'n ɔ wo nglo lɔ, like nga i klun klo su kɛ ɔ ´yo'n yɛ ɔ yo-ɔ.

Jue Mun 123:1

Zerizalɛm kɔlɛ'n i su jue, M man mín nyin'n su n nian wɔ bɔ a o famiɛn bia'n su nyanmiɛn'n su lɔ'n.

Jue Mun 37:13

Srilɛ yɛ Anannganman sri i-ɔ. Afin ɔ si kɛ sran sɔ'n i fɔ bulɛ cɛn'n ɔ'a mantan.

Jue Mun 53:5

Sa tɛ yofuɛ'm be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Jue Mun 59:8

Ndɛ tɛtɛ'm be kanlɛ'n cɛ yɛ ɔ o be nuan-an. Bé nuan'n ti kɛ kue sa. Be ko se kɛ: «?Wan li cɛ yɛ ɔ o lɛ b'ɔ kwla ti ndɛ nga e kan nin-ɔn?»

Jue Mun 59:9

Sanngɛ wɔ, Anannganman srilɛ yɛ a sri be-ɔ. A yo sran sɔ'm bɔ be si-man wɔ'n be finfin.

Jue Mun 68:33

Asiɛ'n su mɛnmɛnfuɛ mun, amun `to jue manman Nyanmiɛn. Amun `bo flɛ e Min'n

Nyanndra Mun 1:26

n kusu blɛ nga bɔ sa ya'n tɔ amún su'n, srilɛ cɛ yɛ n ´sri amun-ɔn.

Ezai 40:22

Anannganman ti asiɛ'n i ti su nglo lɔ ɔ man asiɛ'n su sran'm be ti kanngan kɛ lalo mun sa. I yɛ ɔ tinngɛli nyanmiɛn ng'ɔ wo e ti su nglo'n i nun kɛ tannin sa-a, i yɛ ɔ trɛli nun kɛ tannin sua sa yɛ ɔ fa yoli i tranwlɛ nin-ɔn.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?