Jue Mun 18:2 - NYANMIƐN NDƐ'N 1998

² Ee! Anannganman, n klo wɔ! Wɔ yɛ a man min wunmiɛn-ɔn.

Jue Mun 18:2 ပူးပေါင်းရင်းမြစ်များ

2 Samiɛl 22:3

Min Nyanmiɛn'n ti kɛ yɛbuɛ sa, yɛ n talo i-ɔ, i nun yɛ n fia-a. Ɔ ti kɛ nyrɛn sa, i nun yɛ n nyan wunmiɛn-ɔn, i yɛ man n fite nun-ɔn. Ɔ ti min fiawlɛ dan ɔ man sa nyan-man min. Ee min Defuɛ! A de min sran wlɛfuɛ'm bé sa nun.

Jue Mun 116:1

N klo Anannganman, afin ɔ ti min aniɛn'n, ɔ ti srɛwa tantrantan nga n srɛ'n,

Jue Mun 132:17

N ´yo man famiɛn dan kun ´fite David osu'n nun. Famiɛn bɔ n sieli'n, n ´yo man ɔ nyan i ja nunfuɛ .

Jue Mun 144:2

Ɔ ti min ye yofuɛ, ɔ ti kɛ min fiawlɛ sua sa. Ɔ ti min fiawlɛ kpa tra su, yɛ ɔ ti min defuɛ. Ɔ sasa min kɛ nyrɛn sa, i sin yɛ n fia-a. I yɛ man min nvlefuɛ'm be nyin yi min-ɔn!

Jue Mun 19:14

Wun tufuɛ'm be ti, sasa min bɔ n ti ɔ sufuɛ'n. Nán be fu min su! I liɛ'n, sran fi su nyan-man ndɛ tɛ ɔ kɛn-mɛn i min wun, yɛ n su yo-man sa tɛ dan.

Jue Mun 28:1

Jue nga ti David liɛ. I waan: Anannganman, wɔ yɛ n kpan flɛ wɔ-ɔ. Nán bu ɔ su nun waka. A ti kɛ yɛbuɛ sa, n talo wɔ. Sɛ n flɛ wɔ nan a tɛ-man min su'n, wuun min liɛ ɔ'a wie.

Jue Mun 59:11

Min Nyanmiɛn bɔ i klun ti ufue'n, ɔ ´wunnge min wun wa. Ɔ wa yo man kɛ min kpɔfuɛ'm be ´tɔ'n, n ´wun nun.

Jue Mun 62:2

Nanwlɛ, Nyanmiɛn kunngba yɛ man mín wla'n kwla gua ase-ɔ, sɛ n ´nyan mín ti-ɔ, ɔ fin i.

Jue Mun 62:7

Nanwlɛ, i kunngba yɛ ɔ ti kɛ min yɛbuɛ sa yɛ n talo i-ɔ. I yɛ man n nyan min ti-ɔ. Ɔ ti min fiawlɛ sua, ɔ man srɛ kun-man min yɛ min wun usu-usu-man min.

Jue Mun 75:10

N liɛ'n, n su yaci-man Zakɔb i Nyanmiɛn'n i dunman bolɛ. N ´to jue m ´mɛnmɛn i.

Jue Mun 91:2

Ɔ fata kɛ sran sɔ'n se Anannganman kɛ: «A ti min fiawlɛ, a ti min fiawlɛ sua, a ti min Nyanmiɛn, ɔ su yɛ n fa n wla'n n gua-a!»

Jue Mun 91:4

Ɔ ´sasa wɔ, a ´nyan fiawlɛ i sin kɛ akɔwa'n nyan fiawlɛ i nin'n i ndɛwa'n bo'n sa. I nanwlɛ'n b'ɔ di'n ti kɛ nyrɛn b'ɔ sasa sran'n sa, yɛ ɔ ti kɛ like kokloko bɔ be fa kata be wue'n su'n sa.

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Nyanndra Mun 2:7

Sran nga bɔ be ti sran kpa'n, Anannganman de be. Be nga be di nanwlɛ'n, ɔ sasa be kɛ nyrɛn'n ɔ sasa sran'n sa.

Ezai 32:2

Be ngba be wa yo kɛ like bɔ be fiɛ i bo bɔ kɛ aunngban'n ɔ ´fita'n ɔ nyan-man be'n sa. Be ´yo kɛ lika bɔ be fia nun, bɔ kɛ aunngban dan'n ɔ ´tu'n, ɔ kan-man be'n sa. Be ´yo kɛ nzue ba b'ɔ sonji lika kee nun'n sa. Be ´yo kɛ yɛbuɛ dan wie b'ɔ man fɔnvɔ lika bɔ waka fi fifi-man lɛ'n sa.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Hébreu 2:13

Ɔ kɛnnin i ekun kɛ: «N ´fa n wla'n guɛ i su.» Yɛ ɔ kɛnnin i ekun kɛ: «An `nian, min nin ba nga Nyanmiɛn fa be mannin min'n e yɛ .»