Jue Mun 17:8 - NYANMIƐN NDƐ'N 1998

⁸ Sasa min kɛ ɔ nyinma'n sa. Fa ɔ ndɛwa'n kata min su man n trɛn i fɔnvɔ'n bo.

Jue Mun 17:8 ပူးပေါင်းရင်းမြစ်များ

Jue Mun 16:1

Jue nga ti David liɛ. I waan: Anannganman, nian min su, afin wɔ yɛ n talo wɔ-ɔ.

Jue Mun 36:7

A di nanwlɛ, a kaci-man aniɛn. Sɛ a kan ndɛ'n, ɔ ka lɛ titi, ɔ ti kɛ oka sa. Sɛ a bu ndɛ'n, sran fi wun-mɛn i sin, afin i bo'n ti kploun kɛ jenvie dan'n sa. Anannganman, a sasa sran nin nnɛn mun.

Jue Mun 36:8

Nyanmiɛn, nanwlɛ, ɔ klun-ufue'n lɛ-man wunsu. Sɛ e ´kwla se'n, sran'm be kwlaa be fia ɔ ndɛwa'n bo.

Jue Mun 57:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. Ɔ kan David i wanndilɛ b'ɔ wanndili Sail nyrun'n, b'ɔ ko fiali yɛbuɛ buɛ nun'n i ndɛ . I waan:

Jue Mun 57:2

Ee Nyanmiɛn, si min aunnvuɛ o, si min aunnvuɛ. Ɔ sin yɛ n fia-a. N ´fia ɔ ndɛwa'n bo lele san min afuɛ'n ɔ'a wie.

Jue Mun 61:4

Min kpɔfuɛ'n ti, ɔ nun yɛ n fia-a, a ti kɛ klɔ'n i sasalɛ sua bɔ be sisi i wun talɛ kekleke'n sa.

Jue Mun 61:5

N klo kɛ n ´tran ɔ tannin sua'n nun tititi nan n ´fia ɔ ndɛwa'n bo.

Jue Mun 63:7

Kɛ n la min bɛ'n su'n, mín nyin kpɛn ɔ su. M bu wɔ akunndan kɔnguɛ dɔ kwlaa su.

Jue Mun 91:1

Sran ng'ɔ ko fia Nyanmiɛn bɔ like fi nun-mɛn i sin'n i sin'n, wuun ɔ'a tran Nyanmiɛn b'ɔ kwla like kwlaa yo'n i fɔnvɔ'n nun.

Jue Mun 91:4

Ɔ ´sasa wɔ, a ´nyan fiawlɛ i sin kɛ akɔwa'n nyan fiawlɛ i nin'n i ndɛwa'n bo'n sa. I nanwlɛ'n b'ɔ di'n ti kɛ nyrɛn b'ɔ sasa sran'n sa, yɛ ɔ ti kɛ like kokloko bɔ be fa kata be wue'n su'n sa.

Nyanndra Mun 7:2

Sɛ a fa min ngwlɛlɛ ndɛ'm be su-ɔ a lɛ nguan. Min ndɛ nga n kan kle wɔ'n, fa be sie kpa. Sasa be kpa kɛ a fa sasa ɔ nyinma'n sa.

Zakari 2:8

Yɛ klikli'n seli kasiɛn'n kɛ: «Wanndi ko se gbanflɛn nga nyanman wo i sa nun'n kɛ: ‹Nán be sisi Zerizalɛm wun, afin sran nin nnɛn nga be wa tran lɔ'n, be sɔnnin dan.

Matthieu 23:37

«Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun b'ɔ utu be su'n sa, sanngɛ amu'an kplin-man su!

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

Mmla'n 32:10

Aawlɛ flɛnnɛn'n nun lɔ yɛ ɔ ko fiteli Izraɛl'n i su-ɔ, lika sɔ'n nun lɔ'n, nnɛn mun yɛ be ti be kpanlɛ-ɔ. Ɔ ko fali Izraɛl, ɔ niɛnnin i lika, ɔ sɛsɛli i. Ɔ niɛnnin i su kpa kɛ be fa nian be nyinma ba'n su sa.

Rit I Wun Ndɛ 2:12

Man Anannganman b'ɔ ti Izraɛlfuɛ'm be Nyanmiɛn'n, bɔ i fanngan nun ti yɛ man a juli wa'n ɔ `yo ɔ liɛ ye. A kunndɛ-ɔ, man a nyɛn i.»