Jue Mun 17:3 - NYANMIƐN NDƐ'N 1998

³ Sɛ a nian min anwlɛn'n nun lɔ'n, sɛ kɔnguɛ bɔbɔ a nian min anwlɛn'n nun lɔ sa mun'n, sɛ a sa min nian'n, a su wun-man sa tɛ min nun. N kan-man ndɛ tɛtɛ kɛ sran wie'm be yo'n sa.

Jue Mun 17:3 ပူးပေါင်းရင်းမြစ်များ

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

Zɔb I Nyrɛnnɛn Wunlɛ 23:10

Sanngɛ ɔ si min ajalɛ nga n tu'n. Sa nianlɛ ng'ɔ su sa min nian yɛ, n ´fin nun n ´fite sa cɛ kɛ b'a wla sika ɔkwlɛ sin nun b'a yi sa .

Zɔb I Nyrɛnnɛn Wunlɛ 24:14

Kɛ aliɛ'n ɔ wa cɛn'n, kakaje'n ɔ jaso. Ɔ kun yalɛfuɛ'n annzɛ nyrɛnnɛnfuɛ'n. Kɛ aliɛ'n kɔ san'n, wuun ɔ'a kaci awiefuɛ.

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Jue Mun 139:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman, a si min klun lɔ akunndan'n, a si min wafa bɔ n ti'n.

Jue Mun 139:23

Ee Nyanmiɛn, nian min anwlɛn nun! Sa min mian! Nian min klun lɔ akunndan'n!

Jue Mun 16:7

N ´la Anannganman ase, afin ɔ ti min afɔtuɛ manfuɛ. Kɔnguɛ bɔbɔ'n, n wun i sɔ min akunndan'n nun.

Jue Mun 26:2

Anannganman, nian min anwlɛn'n nun lɔ, sa min nian. Nian-nian min klun akunndan mun nin sa ng'ɔ o min klun lɔ'n.

Jue Mun 39:1

Jue nga ti David liɛ. Ɔ o jue tofuɛ'm be su kpɛn'n nin Zɛditɛn be fluwa'm be nun wie. I waan:

Jue Mun 66:10

Ee Nyanmiɛn, a niannin e klun lɔ akunndan'n! A sali ye niannin, a yoli ye kɛ jɛtɛ ufue bɔ be tɔn bɔ i nun fiɛn'n fite'n sa.

Jue Mun 7:4

Anannganman min Nyanmiɛn, sɛ n yoli sa sakpa'n, sɛ n yoli sa tɛ'n,

Nyanndra Mun 13:3

Sran ng'ɔ si i nuan'n sie'n, wuun ɔ si i wun sasa. Sran nga kusu b'ɔ ijɔ-ɔ ɔ lɛ-man kpɛbo'n, san mlinlɛ yɛ ɔ mlin-ɔn.

Zeremi 12:3

N liɛ'n, a si min, Anannganman, a wun min, a si kɛ min anwlɛn'n wo ɔ su. Sran sɔ'm be liɛ'n, yi be sie be lɛ kɛ nnɛn bɔ be su wa ko kun be'n sa. Sie be ngunmin man be minndɛ be kunlɛ cɛn'n.

Zeremi 50:20

I blɛ sɔ nun'n, be ´kunndɛ sa tɛ nga Izraɛl yoli'n lele ngbɛn. Be su wun-mɛn i le. Sa tɛ nga Zida yoli'n, be ´kunndɛ lele ngbɛn. Be su wun-man kan ɔ sinnin-ɔn. Afin be bɔ n yacili be lɛ'n, n ´yaci bé wun sa n ´cɛ be .

Ndɛ Nga Nyanmiɛn I Nuan Ijɔfuɛ Oze Kannin'n 7:6

Be nga sran'm be wun njiciɛ'n yɛ be cici, i sɔ sran'm be ti kɛ fur sa. Kɔnguɛ be ti flɔlɔ sa be yɛyɛ-man, sanngɛ nglɛmun be jue kɛ b'a trɔ fur nun sin sa.

Mise 2:1

Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Malasi 3:2

?Cɛn ng'ɔ ´ba'n, wan cɛ yɛ ɔ kwla jrɛn i nyrun-ɔn? ?Cɛn nga amun nyinma guɛ i wun'n, amun nun onin yɛ ɔ ´kwla jrɛn i ja'n su nglo-ɔ? Ɔ ´yo kɛ tunnzue sin sa, ɔ ´yo kɛ sanmlan bɔ be fa kpu ninnge'n sa .

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 16:9

Kɔnguɛ Pɔl wunnin aolia nun like, ɔ wunnin Maseduani bian kun kɛ ɔ jin lɛ, bian sɔ'n srɛli i kpa se kɛ: «Sin Maseduani wa uka ye.»

1 Korɛntfuɛ Mun 4:4

N klun ti-man min sa fi nun, sanngɛ nɛ́n i sɔ'n ti yɛ man mín wun sali-ɔ. E Min'n yɛ ɔ ti n jɔlɛ difuɛ-ɔ.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Samiɛl 24:10

Nan ɔ'a usɛ i kɛ: «Kɛ sran'm be se wɔ kɛ: ‹?David bu ɔ́ wun akunndan tɛ'n› ɔ yo sɛ ti yɛ a fa su nin-ɔn?

1 Samiɛl 24:12

Nannan, ɔ li nian. Ɔ tralɛ'n i nuan njɔlɛ'n yɛ ɔ o mín sa nun yɛ. N kpɛli ɔ tralɛ nuan njɔlɛ sanngɛ m'an kun-man wɔ. ?Kɛlɛ sɛ m bu ɔ́ wun akunndan tɛ'n, sɛ n waan n ´yo nyin kekle ɔ́ su'n, wuun kɛ n ´yo sɔ-ɔ? M'an yo-man wɔ tɛ. Sanngɛ kpɛkuun kunlɛ cɛ yɛ ɔ waan a ´kun min-ɔn, i ti a su mín su sa cɔcɔcɔ.

1 Samiɛl 26:11

Nán min yɛ n ´kun Anannganman i sran ng'ɔ sieli i nin-ɔn! Fa cua'n b'ɔ o i ti bo lɛ'n ɔ nin nzue towa'n, nan e wɔ.»

1 Samiɛl 26:23

Kɛ é sa nuan su yolɛ nin e nanwlɛ dilɛ'n fa ti ju'n, i su like yɛ Anannganman fa yo ye-ɔ. Ndɛkɛn, Anannganman fali wɔ wlali mín sa nun, sanngɛ m'an se-man kɛ n ´kun wɔ afin Anannganman yɛ ɔ sieli wɔ famiɛn-ɔn.