Jue Mun 17:1 - NYANMIƐN NDƐ'N 1998

¹ David i Nyanmiɛn srɛlɛ. I waan: Anannganman, min ndɛ'n yo fɛ, sie ɔ́ su tie. Tie kpanlɛ bɔ n kpan'n. Tie min srɛlɛ'n, afin nán gblɛ srɛlɛ-ɔ.

Jue Mun 17:1 ပူးပေါင်းရင်းမြစ်များ

2 Samiɛl 22:24

Ɔ nyan-man min wun ndɛ fi kan-man, n nian mín wun su kɛ ɔ yo nan m'an yo-man sa tɛ'n ti.

2 Be Nyoliɛ 7:15

Kɛ ɔ fin ndɛ'n, min nyin wo amun su, yɛ n ´fa min su n ´sie amun srɛlɛ nga amun ´srɛ i lika nga nun wa'n su.

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Zɔb I Nyrɛnnɛn Wunlɛ 16:17

Kusu wuun m'an yo-man sa tɛ. Kɛ n ´srɛ Nyanmiɛn'n, min akunndan nun ti weiin.

Jue Mun 102:2

Anannganman, tie min srɛlɛ'n, sie ɔ́ su tie kpanlɛ bɔ n kpan n flɛ wɔ'n.

Jue Mun 140:12

Nán sran b'ɔ ti sran'm be suɛn tɔnfuɛ'n ɔ ka mɛn ng'ɔ o yɛ'n nun. Man nyrɛnnɛn tɔ sran ng'ɔ yo sran'm be sa kekleekle'n i su tikatikatika.

Jue Mun 142:1

Jue nga ti David liɛ. Srɛlɛ ng'ɔ srɛli Anannganman i nun b'ɔ fia yɛbuɛ buɛ'n nun lɔ'n . I waan:

Jue Mun 142:6

Anannganman, wɔ yɛ n kpan flɛ wɔ-ɔ. N se kɛ: «Wɔ yɛ a ti min fiawlɛ-ɔ. Asiɛ'n su wa'n, wɔ yɛ a ti min like bɔ n lɛ i nin-ɔn.»

Jue Mun 143:1

Jue nga ti David liɛ. I waan: Anannganman, sie ɔ́ su tie ɔ srɛlɛ bɔ n srɛ wɔ'n, sie ɔ́ su tie ɔ srɛlɛ tantrantan bɔ n srɛ wɔ'n. Nian ɔ nanwlɛ bɔ a di i titi'n nin ɔ sa bɔ a yo i nuan su'n ti, tɛ mín su.

Jue Mun 145:18

Be kwlaa nga be kpan flɛ Anannganman'n, ɔ mantan be. Sɛ be kpan flɛ i bɔ gblɛ nun-man nun'n, ɔ mantan be.

Jue Mun 18:20

Ɔ yili min fiteli, ɔ deli min, afin ɔ klo min.

Jue Mun 18:44

A de min nvlefuɛ bɔ be jaso min wun yengeiin'n bé sa nun. A fa min a sie nvle fanunfanun'm be famiɛn. Sran nga n si-man be laa'n be yɛ be su min-ɔn.

Jue Mun 43:1

Ee, Nyanmiɛn! Di min jɔlɛ mun klanman man min, jran min sin man e nin be bɔ be si-man wɔ'n e kan. De min gblɛfuɛ mun nin ndrunmun difuɛ'm bé sa nun.

Jue Mun 5:2

Anannganman, tie ndɛ bɔ n kan'n, nian kplinlɛ bɔ n su kplin-ɔn.

Jue Mun 54:4

Ee Nyanmiɛn, tie srɛlɛ bɔ n srɛ wɔ'n, fa ɔ su'n sie mín nuan bo.

Jue Mun 55:18

Nglɛmun o, wia jran o, kɔnguɛ o, n kplin, n fɛfɛ n sun n flɛ i, kpɛkuun ɔ ti min aniɛn'n.

Jue Mun 61:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Jue Mun 61:2

Nyanmiɛn, tie min kpanlɛ bɔ n kpan'n. Tie srɛlɛ bɔ n srɛ wɔ'n.

Jue Mun 66:19

Sanngɛ amun `nian, Nyanmiɛn tieli min flɛlɛ'n, ɔ sieli i su min srɛlɛ'n bo.

Jue Mun 7:8

Man nvle-nvle'm be trantran sin yia wɔ. Tran ɔ famiɛn bia'n su nglo lɔ sie be.

Jue Mun 84:9

Anannganman, wɔ Nyanmiɛn bɔ a sie mɛn wunmuan'n, tie min srɛlɛ'n. Zakɔb Nyanmiɛn, sie ɔ su.

Jue Mun 86:1

Anannganman, sie ɔ su mín nuan bo, tɛ min su! Afin n ti yalɛfuɛ, nán like fi yɛ n lɛ i-ɔ.

Jue Mun 86:6

Anannganman, sie ɔ su min srɛlɛ'n bo. Kɛ n kpata wɔ'n, sie ɔ su.

Jue Mun 88:3

Sɔ min srɛlɛ'n nun, sie ɔ́ su min klun ndɛ bɔ n kpan n kan'n i bo.

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Matthieu 15:8

‹Sran nga'm be kɛn i bé nuan bui su kɛ be bu n sran, sanngɛ be anwlɛn nun-man min su.

Jean 1:47

Kɛ Jésus wunnin Natanaɛl kɛ ɔ su bɛ i wun lɛ'n, ɔ kɛnnin i ndɛ kɛ: «An `nian, Izraɛlfuɛ kpa kun yɛ ɔ ´ba yɛ, ɔ ti-man gblɛfuɛ kaan sa.»

1 Jean 3:21

N sran kpa mun, sɛ e si e klun lɔ kɛ y'a yo-man sa tɛ'n, e wla'n kwla gua ase Nyanmiɛn nyrun.