Jue Mun 16:3 - NYANMIƐN NDƐ'N 1998

³ Ɔ sufuɛ kpakpa nga be o mɛn nga nun'n, be cɛ yɛ m bu be sran yɛ n klo be-ɔ.

Jue Mun 16:3 ပူးပေါင်းရင်းမြစ်များ

2 Be Nyoliɛ 6:41

Siɛn'n, Anannganman Nyanmiɛn, jaso, bla wa tran ɔ́ wunmiɛn delɛ sua'n nun, fa wɔ alaka bɔ ɔ tinmin'n wo nun'n bla. Anannganman Nyanmiɛn, man ɔ wunmiɛn bɔ a fa de sran'n ɔ tran ɔ nyrun jranfuɛ'm be su. Yɛ man ɔ sufuɛ nanwlɛfuɛ'm be klun jɔ muae klanman bɔ b'a nyɛn i'n ti.

Jue Mun 101:6

Be nga be fa bé wla gua bé su-ɔ ɔ yo ye'n, be yɛ n ´kunndɛ be-ɔ, n ´fa be n ´sie mín wun. Sran ng'ɔ nanti sein'n, ɔ ´yo min mantanfuɛ.

Jue Mun 116:15

Anannganman i sufuɛ nanwlɛfuɛ'm be wie'n ɔ wlu i wun lele kpe nun.

Jue Mun 119:63

Be bɔ bé nyin yi wɔ'n, bɔ be fa ɔ mmla nga a sie be'n su'n, be kwlaa be ti min janvuɛ.

Jue Mun 122:8

Min niaan mun nin min janvuɛ'm be dunman nun ti, n ´srɛ kɛ man lɔfuɛ'm be nyan fɔundi.

Jue Mun 30:4

Anannganman, a yili min blɔlɔ lɔ fiteli. A cɛnnin min, yɛ wɔ man e nin be nga be la ndia'n nun lɔ'n ye afiɛn'n ɔ'a ti nun.

Nyanndra Mun 12:26

Atin ng'ɔ ti kpa'n yɛ klun-ufuefuɛ'n ɔ fa kle sran-an. Klunwifuɛ'm be kusu be atin liɛ nga be fa su'n ɔ mlin be bɔbɔ.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 8:31

N kan ngowa sɔ'n mɛn ng'ɔ yili'n i asiɛ'n su. Kɛ ɔ fin lɛ'n, kɛ n wo sran'm be afiɛn'n, ɔ yo min fɛ.

Ngɔjue Fɛfɛ Kpa'n 7:10

Sɛ ɔ́ nuan'n ɔ ti nzan'n, wuun n ´se kɛ man ɔ yo nɛnkɛn-nɛnkɛn kɛ nzan ng'ɔ ti kpa'n sa. Nzan sɔ'n ti min adeba'n i kunngba liɛ. Kɛ e ´lafi'n, nzan sɔ'n ɔ sonji é nuan bui'n su.

Ezai 62:4

Be su flɛ-man wɔ kɛ klɔ Bɔ B'a Niɛn-mɛn i Nyrun Kun. Be su flɛ-mɛn ɔ mɛn'n kɛ Lika Srolo kun. Sanngɛ be ´flɛ wɔ kɛ Klɔ Bɔ i Wun Yo Min Fɛ'n. Be ´flɛ wɔ mɛn'n kɛ Bla Bɔ Lɛ Bian. Afin ɔ́ wun ´yo Anannganman i fɛ, yɛ sɛ n kwla ´se'n, wɔ asiɛ'n ɔ ´nyan bian.

Malasi 3:17

Anannganman b'ɔ sie mɛn wunmuan'n waan: «Be ´yo min liɛ, cɛn nga n ´yi mín wun nglo nun'n, be ´yo min liɛ mlɔnmlɔn. N ´si be aunnvuɛ kɛ sran fa si i wa bɔ i nyin yi i'n i aunnvuɛ'n sa.

Sa nga bé yôli'n 9:13

Ananias seli kɛ: «Nannan, n tili tɛtɛ nga bian sɔ'n yoli ɔ sran mun Zerizalɛm lɔ'n i kwlaa. Sran sunman bé nuan nun yɛ n tili-ɔ.

Galasifuɛ Mun 6:10

Ɔ man sɛ e nyɛn i wun alaje'n, man e yo sran'm be kwlaa be ye, sanngɛ man e dun mmua yo man e niaan nga e nin be e lafi Krist su'n.

Efɛzfuɛ Mun 1:1

M Pɔl yɛ n klɛ fluwa nga blɛ amun bɔ an wo Efɛz lɔ mun-ɔn. Ɔ ti amun bɔ an ti Kristfuɛ bɔ amun nin Krist-Jésus amu'an kaci sran wunmuan'n bɔ amun nin i nanti kpa'n amun liɛ. Krist-Jésus sunmannin min yɛ n sunmanlɛ sɔ'n ti Nyanmiɛn klun su.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.