Jue Mun 15:2 - NYANMIƐN NDƐ'N 1998

² ?Nán sran ng'ɔ ti nanwlɛfuɛ nin-ɔn? ?Nán sran ng'ɔ yo sa i nuan su nin-ɔn? ?Nán sran nga kɛ ɔ ´kan ndɛ ng'ɔ o i klun lɔ'n, ɔ kpɛ-mɛn i wun nin-ɔn?

Jue Mun 15:2 ပူးပေါင်းရင်းမြစ်များ

Jue Mun 24:4

?Nán sran nga ɔ'a yo-man sa tɛ fi, b'ɔ sa tɛ nun-mɛn i anwlɛn'n nun, b'ɔ ti-man ato buafuɛ, b'ɔ ta-man nda ngbɛn-ngbɛn nin-ɔn ?

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Nyanndra Mun 20:7

Sran kun ng'ɔ ti sran kpa'n, bɔ i klun ti ufue'n, cɛn nga b'ɔ nun-man nun kun'n, i mma ng'ɔ yaci be i sin wa'n, be nanti muae su.

Nyanndra Mun 28:18

Sran ng'ɔ nanti sein'n, ɔ ´nyɛn i ti. Gblɛfuɛ nga kusu b'ɔ kpanndan sin atin nnyɔn su'n, san ɔ ´fin ase kun nun.

Ezai 33:15

Sran ng'ɔ fa mmla'n su'n, b'ɔ yo sa i nuan su'n, b'ɔ klo-man like nga be de i be wue kekle su'n, b'ɔ sɔ-man adi ninnge'm be nun'n mlɔnmlɔn'n, bɔ kɛ be ´kan sran kunlɛ ndɛ be kle i'n ɔ tannin i su'n, b'ɔ kɛtɛ i nyin kɛ ɔ ´yo nan ɔ'a wun-man sa tɛ'n,

Ezai 63:8

Ɔ seli kɛ: «Be ti min nvle'n nunfuɛ mun, be ti ba bɔ be kpɛ-man gblɛ.» Ɔ yoli be defuɛ.

Mise 2:7

?Kɛ ɔ ´yo sɔ'n, wuun Izraɛl nvle kpa'n, sannzan o i su ti-ɔ? ?Anannganman kpa'n, kɛ ɔ fa ya ndɛndɛ titi sɔ-ɔ?» Sanngɛ ndɛ nga n kɛnnin i lɛ'n, ɔ ti be nga be yo sa i nuan su'n be cenjele ndɛ.

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

Sa nga bé yôli'n 10:35

sanngɛ nvle kwlaa nun'n, sran ng'ɔ sro i b'ɔ yo i klun sa'n, i klun jɔ i wun.

Rɔmfuɛ Mun 2:10

Sanngɛ be kwlaa nga be yo sa kpa'n, Nyanmiɛn man be ´nyan nyrun, be ´bu be sran, yɛ be ´di alaje, Zuif mun yɛ be ti klikli-ɔ, i sin be nga mun.

Galasifuɛ Mun 2:14

Kɛ n wunnin bé sa nga be yo'n kɛ ɔ nin jasin fɛ'n b'ɔ ti nanwlɛ'n be sɛ-man'n, n usali Sefas be kwlaa be nyrun lɛ kɛ: «?Ɔ bɔ a ti Zuif'n bɔ a yaci Zuif'm be nzuɛn'n a yo kɛ be nga be ti-man Zuif'n be sa'n, ɔ yo sɛ yɛ a mian be kɛ be yo kɛ Zuif'm be sa nin-ɔn?»

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

Efɛzfuɛ Mun 4:25

I sɔ'n ti'n, an `yaci ato bualɛ'n, an `di nanwlɛ kle amun wiengu, afin e kwlaa e ti sran wunmuan .

Kolɔsfuɛ Mun 3:9

Nán an bua ato kle amun wiengu, afin amu'an wla amun nzuɛn laa b'ɔ man an yo sa tɛtɛ'n i ase,

Hébreu 11:33

Nyanmiɛn su bɔ be lafi'n ti, be kwla nvle mun, be yo sa ng'ɔ ti i nuan su'n, be nyan like nga Nyanmiɛn waan ɔ ´man be'n, be cici asɔmɔli'm bé nuan,

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 2:6

sran ng'ɔ se kɛ ɔ nin i b'a yo kun'n, man ɔ yo sa nga Jésus yoli be'n wie.

1 Jean 3:7

M mma mun, nán an fa amun wun man sran fi man ɔ laka amun. Sran ng'ɔ yo sa b'ɔ kɔ atin su'n, ɔ ti sran kpa kɛ Krist ti sran kpa'n sa.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»