Jue Mun 149:3 - NYANMIƐN NDƐ'N 1998

³ Man be si able nan be bo flɛ i. Man be bo klɛn nin jru yɛ be to jue be mɛnmɛn i.

Jue Mun 149:3 ပူးပေါင်းရင်းမြစ်များ

2 Samiɛl 6:14

Kpɛkuun David wlɛli i wun ase sili able Anannganman nyrun. Nyanmiɛn nyrun jranfuɛ'm bé tannin kan'n yɛ ɔ ci i bo-ɔ.

2 Samiɛl 6:16

Kɛ be ´fa Anannganman i alaka'n ´ju David Klɔ lɛ'n, wuun Sail i wa bla Mikal jin fenɛtri'n nun lɔ, i nyin ta be. Ɔ ´nian-an, famiɛn David yɛ ɔ su si able ´tu kpɛn Anannganman nyrun yɛ, ɔ yoli i tɛ nan ɔ'a yo i finfin.

1 Be Nyoliɛ 16:42

Eman nin Zɛditɛn yɛ be nian awɛ mun nin aaba ndɛ'm be su-ɔ. Be nian ngowa kanlɛ ninnge bɔ be fa to Nyanmiɛn manmanlɛ jue'n be su ekun. Zɛditɛn i mma'm be ti anuan nun jranfuɛ.

1 Be Nyoliɛ 25:6

Sran sɔ'm be kwlaa'n, be si mun yɛ be jran be nyrun to jue Anannganman i sua'n nun-ɔn. Be lɛ aaba ndɛ mun, nin aluku mun, nin jru mun yɛ be fa su Nyanmiɛn i sua'n nun-ɔn. Famiɛn'n yɛ ɔ nian Azaf, nin Zɛditɛn, nin Eman be su-ɔ.

2 Be Nyoliɛ 20:28

Kɛ be ´ba'n, wuun be ´bo jru, nin aluku, ɔ nin awɛ mun. Kɛ be juli Zerizalɛm'n, be ɔli Anannganman i sua'n nun lɔ.

2 Be Nyoliɛ 29:25

Famiɛn'n man Levifuɛ'm be ɔli Anannganman i sua'n nun lɔ. Aaba ndɛ, nin sanngo, ɔ nin jru o bé sa nun kɛ David, nin Gad b'ɔ ti famiɛn'n i jeliwafuɛ'n, ɔ nin Natan b'ɔ ti Nyanmiɛn nuan ijɔfuɛ'n be kannin'n sa, afin Anannganman yɛ man i nuan ijɔfuɛ'm be sieli i sɔ-ɔ.

Ɛsdras 3:10

Kɛ sua kplanfuɛ'm be wlali Anannganman i sua'n i bo ase'n, be flɛli Nyanmiɛn nyrun jranfuɛ mun kɛ be wa trɛn i bo. Be ´ba'n, be tralɛ'n wla be wun, be awɛ'n wo bé sa nun. Levifuɛ nga be ti Azaf awlo'n nunfuɛ'm be kusu be jue tolɛ ninnge ng'ɔ ti kɛ ndɛ sa'n wo bé sa nun. Be wa manmannin Anannganman kɛ Famiɛn David kleli kɛ be `yo'n sa.

Jue Mun 30:11

Anannganman, sie ɔ su. Si min aunnvuɛ. Anannganman, de min.

Jue Mun 33:2

Amun `bo jru be fa manman Anannganman. Amun `bo sanngo b'ɔ lɛ nyanman blu'n be manman Anannganman .

Jue Mun 81:2

Amun `bo sro be yi amun aklunjuɛ'n i nglo kle Nyanmiɛn b'ɔ ti e sasafuɛ'n. Amun `kpan be yi Zakɔb i Nyanmiɛn'n i ayɛ.

Jue Mun 81:3

Amun `man jue su, amun `bo klɛn mma mun, amun `bo jru mun nin sanngo mun.

Jue Mun 87:7

Jue tofuɛ mun nin able sifuɛ'm be bo gua klɔ sɔ'n i wun.

Ezipt Lɔ Tulɛ'n 15:20

Kɛ ɔ yoli sɔ'n, Nyanmiɛn nuan ijɔfuɛ bla bɔ be flɛ i Mari, b'ɔ ti Aarɔn i niaan bla'n, ɔ fali klɛn ba kun. Kɛ ɔ ´bo'n, wuun Izraɛl mmla'm be kwlaa be ´si able be su i su.

Zeremi 31:13

Kpɛkuun siɛn'n, talua'm be klun wa jɔ, be ´si able. Gbanflɛn mun nin kpɛnngbɛn'm be ´si able wie. Afin n ´yo man be awlaboɛ'n kaci aklunjuɛ. N fɔnvɔ be man be klunngbɔ'n wie, yɛ be klun ´jɔ.

Zeremi 31:4

Izraɛl, min adeba, n ´yo man a ´kpɛn ɔ osu laa'n nun. A wa fa ɔ klɛn klanman'n ekun. A ´wlu be nga be klun ɔ'a jɔ bɔ be si able'n be nun.

Jɔlɛ Difuɛ Mun 11:34

Zɛfte ɔ ´sɛ i sin ´bɛ i awlo Mizpa lɔ'n, ɔ ´nian-an, i wa bla'n ɔ'a fite ɔ'a bɛ i atin kpalɛ. Ɔ ´ba'n, wuun ɔ ´bo klɛn ´si able. Zɛfte i wa ng'ɔ lɛ i yɛ ɔ o lɛ-ɔ. Zɛfte lɛ-man ba yasua fi, ɔ lɛ-man ba bla uflɛ fi.