Jue Mun 148:8 - NYANMIƐN NDƐ'N 1998

⁸ sin o, nzraama bɔ kɛ nzue tɔ-ɔ ɔ gua nin o, aunngban dan bɔ i yɛ ɔ sunman be nin o,

Jue Mun 148:8 ပူးပေါင်းရင်းမြစ်များ

Bo Bolɛ 19:24

Yɛ Anannganman yoli man Sufru fin nglo lɔ jue guali Sodɔm klɔ'n nin Gomɔr klɔ'n be su. Ɔ guali be su dan.

Zɔb I Nyrɛnnɛn Wunlɛ 37:12

Ɔ yo man be kpɛ bé wun be wlan sin. Yɛ be yo like kwlaa nga Nyanmiɛn waan be yo'n.

Jue Mun 103:20

Anz mun, amun bɔ an kplin amún nyin be yo i nuan ndɛ'n i su sa'n, bɔ amún fɛ i aniɛn'n su'n, amun `la Anannganman i ase.

Jue Mun 18:12

Ɔ fali aosin tuun'n ɔ kɛtɛli i bɔbɔ su. Nyanmiɛn ble tritri'n sin yiɛ i.

Ezipt Lɔ Tulɛ'n 10:13

Moiz mannin kpɔnman'n su, ɔ tinngɛli i Ezipt mɛn'n su, yɛ Anannganman yoli man aunngban kun fin wia afiliɛ lɔ wa fitali Ezipt mɛn'n nun. Ɔ fitali wia nun nin kɔnguɛ wunmuan'n nun. Nglɛmun kɛ aliɛ'n ´cɛn'n, aunngban'n ɔ'a fa lalo mun ɔ'a ba.

Ezipt Lɔ Tulɛ'n 10:19

Anannganman yoli man aunngban dan kpa kun fitali, ɔ fin wia atɔliɛ lɔ, ɔ wa fali lalo mun ɔli ɔ ko guali jenvie'n nun lɔ.

Ezipt Lɔ Tulɛ'n 14:21

Moiz tinngɛli i sa'n jenvie'n su. Anannganman yoli man aunngban dan kun b'ɔ fin wia afiliɛ lɔ'n fitali kɔnguɛ wunmuan'n nun. Ɔ suli nzue'n ɔli wa, ɔ suli ɔli wa, nan nzue'n i nun ɔ'a kpɛ, kpɛkuun i osu'n yoli wisiwisi.

Ezai 66:16

Sin yɛ Anannganman ´fa di sran'm be kwla be jɔlɛ-ɔ, yɛ tokofi yɛ ɔ ´fa bu be fɔ-ɔ. Ɔ ´kun sran kpanngban kpa.

Saun Yolɛ 10:2

Bé ja nun lɛ kpɛkuun vlauun, sin fin Anannganman nyrun lɛ ɔ su jue, ɔ ka lɛ yrali be nnyɔn'n Anannganman nyrun lɛ, ɔ man be wuli.

Amɔs 4:13

I yɛ ɔ yili oka mun nin aunngban nin-ɔn. Sa ng'ɔ wa yo'n, ɔ dun mmua bo su kle sran mun. Ɔ cɛn aliɛ yɛ ɔ san aliɛ. I dunman'n yɛlɛ Anannganman, b'ɔ ti mɛn wunmuan'n i Nyanmiɛn'n .»

Amɔs 7:4

Anannganman Nyanmiɛn'n yili sa uflɛ nglo kleli min. Sɛ n ´kwla se'n, ɔ flɛli sin'n kɛ ɔ wa di i jɔlɛ'n. Sin'n i dan b'ɔ ti'n ti, asiɛ'n bo lɔ nzue'n ɔ o wielɛ. Izraɛl mɛn wunmuan'n kusu o yralɛ.

Zonas 1:4

Anannganman man aunngban dan kun fitali jenvie'n su, kɛ e ´ijɔ wa-a jenvie'n yɛ ɔ su bo yɛ. Nzue'n su wa bubu mmeli'n nun.

Zonas 1:5

Mmeli'n i kanfuɛ'm be klun titili be kpa. Ɔ lɛ-man be nun kun bɔ ɔ'a jrɛn-mɛn i amuɛn'n su-ɔ. Trɔ nga be o mmeli nun'n, be to be guali nzue'n nun kɛ ɔ ´yo nan mmeli'n ɔ'a yo fokofoko'n ti. Kɛ ɔ ´yo sɔ'n, wuun Zonas ɔ'a jra mmeli'n i bo mmua lɔ ɔ'a lafi kpa bliin.

Kalɛ 16:35

Kpɛkuun Anannganman yoli man sin taaman kun fin i wun lɔ wa jrali sran ya nnyɔn sran ablenun bɔ be su fa ansans be ´mɛn i'n be su nan ɔ'a yra be sekeseke kpan.

Zozie 10:11

Amɔrfuɛ'm be wie'm be wanndi kpɛnnin Bɛt-Ɔrɔn sin lɔ. Kɛ be fɛ lɛ lele ´ju Azeka'n, Anannganman man nzraama dandan kpa bɔ kɛ nzue tɔ'n be gua'n be guali be su lele fa juli Azeka. Ɔ man sran nga nzraama sɔ'm be kunnin be'n, be sɔnnin tra be nga Izraɛlfuɛ'm be kunnin be tokofi nun'n.

Sa nglô yile 16:21

Yɛ nzraama bɔ kɛ nzue'n ´tɔ-ɔ be gua'n, i dandan kpa bɔ kun ju kilo ablanan'n, be guali sran'm bé su. Nyrɛnnɛn bɔ nzraama sɔ'm be kleli sran mun'n ti, be kpɛli Nyanmiɛn nzowa, afin nyrɛnnɛn sɔ'n yoli tɛ kpa, be kwla ka-man .