Jue Mun 148:7 - NYANMIƐN NDƐ'N 1998

⁷ Asiɛ'n su wa fuɛ mun, an `manman Anannganman. Bunman dandan mun nin amun nun ninnge sroesroe mun o,

Jue Mun 148:7 ပူးပေါင်းရင်းမြစ်များ

Bo Bolɛ 1:21

Yɛ Nyanmiɛn'n yili jenvie'n nun nnɛn sroesroe mun nin jue ɔ nin kakaa wafa-wafa'n kwlaa nga be wlan sin nzue'n nun. Yɛ ɔ yili anunman wafa-wafa'n kwlaa. Nyanmiɛn wunnin kɛ i sɔ'n ti kpa.

1 Famiɛn Mun 13:28

Nan ɔ'a ɔ. Ɔ ´kɔ-ɔ, fuɛn'n nannan atin'n nun, aflunmun'n nin asɔmɔli'n be wo i wun lɛ. Asɔmɔli'n ɔ'a di-man fuɛn'n, yɛ kusu ɔ'a yo-man aflunmun'n i like fi.

Jue Mun 104:24

Ee Anannganman, junman nga a di be'n, be sɔnnin o! Ngwlɛlɛ nga a fa yoli i kwlakwla sɔ'n ɔ cɛnnin o! Ɔ sa nuan ninnge'n ɔ'a yi asiɛ'n.

Ezai 27:1

I cɛn sɔ nun'n, Anannganman ´fɛ i tokofi dan b'ɔ yo sro'n, b'ɔ ti kekleke'n, ɔ ´fa kun wuo dan bɔ be kwla trɛ-mɛn i'n, b'ɔ blibli nɔnngɔnnɔnngɔn'n. Ɔ ´kun like sroesroe sɔ'n b'ɔ o jenvie nun'n.

Ezai 43:20

Blo nnɛn mun o, nsoso mun o, klɔnsoklo mun o, be ´manman min, afin n ´yo man nzue ´tran aawlɛ flɛnnɛn'n nun, yɛ nzue ba'm be ´sonji asiɛ kee'n nun nan min nvle'n nunfuɛ mun bɔ n kpali be'n be `nyan nzue be `nɔn.