Jue Mun 148:4 - NYANMIƐN NDƐ'N 1998

⁴ Nyanmiɛn'n b'ɔ la nglo lɔ plaii'n, i nglo mmua kpa lɔ lika mun, amun `mɛnmɛn i. Nzue bɔ amun o nyanmiɛn'n b'ɔ la nglo lɔ plaii'n, i ti su nglo lɔ'n, an `mɛnmɛn i.

Jue Mun 148:4 ပူးပေါင်းရင်းမြစ်များ

Bo Bolɛ 1:6

Yɛ Nyanmiɛn seli ekun kɛ: «Man nzue nnyɔn'm be afiɛn'n ti nun.»

Bo Bolɛ 1:7

Nyanmiɛn'n sieli like kun. Nzue'n wie o i bo ngua, wie o i ti su nglo. Ndɛ ng'ɔ kannin'n yoli su.

Bo Bolɛ 7:11

Noe i afuɛ ya nsiɛn'n i anglo nnyɔn'n su i le blu le nso su'n su yɛ nzue ng'ɔ wo asiɛ'n i bo lɔ'n kpukeli-ɔ, yɛ nyanmiɛn su lɔ nzue'n kusu i anuan'n tikeli-ɔ.

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

2 Be Nyoliɛ 2:5

Sran fi kwla kplan-man i wun su sua mɛn-mɛn i, afin nyanmiɛn ng'ɔ nannan nglo lɔ lɛ yɛ'n bɔbɔ ti kaan, ɔ sɔn-man nun bɔ ngbɛn! ?Wan yɛlɛ min bɔ n kwla kplan sua m ´mɛn i-ɔ? Ansans yrawlɛ kan yɛ n ´kwla kplan mɛn i-ɔ.

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Jue Mun 104:3

Ɔ tranwlɛ'n wo nzue ng'ɔ o nglo lɔ'n i ti su nglo mmua kpa lɔ. Nyanmiɛn ble'm be ti kɛ ɔ kakaklolo sa. Aunngban'n ti kɛ anunman sa, i ndɛwa'n su yɛ a fu kɔ ɔ lika-a.

Jue Mun 113:6

Ɔ kpɛ i nyin ase yɛ ɔ nian nyanmiɛn b'ɔ la nglo lɔ plaii'n nin asiɛ nin-ɔn.

Jue Mun 68:33

Asiɛ'n su mɛnmɛnfuɛ mun, amun `to jue manman Nyanmiɛn. Amun `bo flɛ e Min'n

Jue Mun 69:35

Man nglo lɔfuɛ mun nin asiɛ'n sufuɛ mun, ɔ nin jenvie'n nin i nun ninnge'n kwlaa be mɛnmɛn i.

2 Korɛntfuɛ Mun 12:2

N si Kristfuɛ kun bɔ Nyanmiɛn mɛnnin i su lele fa juli nyanmiɛn su mmua kpa lɔ i afuɛ blu-nin-nnan yɛ, sɛ ɔ mɛnnin i su sakpa o, sɛ kusu ɔ man ɔ wunnin like aolia nun o, n wun-mɛn i wlɛ, Nyanmiɛn yɛ ɔ wun i wlɛ-ɔ.

Mmla'n 10:14

Afin Anannganman amun Nyanmiɛn'n i liɛ yɛlɛ nglo lɔ lika wunmuan'n nin asiɛ'n nin i su ninnge'n ngba.