Jue Mun 146:9 - NYANMIƐN NDƐ'N 1998

⁹ Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Jue Mun 146:9 ပူးပေါင်းရင်းမြစ်များ

2 Samiɛl 15:31

Be wa seli David kɛ: «Asitɔfɛl o Absalɔm sin, ɔ o be nga be jaso ɔ wun be nun.» Yɛ David waan: «Anannganman n ´srɛ wɔ, nán man Asitɔfɛl i afɔtuɛ'n ng'ɔ ´man be'n be yo ye.»

2 Samiɛl 17:23

Kɛ Asitɔfɛl wunnin kɛ b'a fɛ-mɛn i ndɛ'n su'n, yɛ ɔ fuli i aflunmun'n su ɔli i klɔ-ɔ. Kɛ ɔ juli lɔ'n, ɔ siesieli i awlo'n, kpɛkuun ɔ boli i kɔmin. Be sieli i i si i asieliɛ'n nun.

Ɛstɛr 5:14

Yɛ i yi Zeres nin i janvuɛ'm be seli i kɛ: «Man be kplan kɔmin bolɛ waka kun. Man i nglo-nglo'n ju mɛtri ablaɔn-nin-nnun nan ainman ko se famiɛn'n man be bo Mardose kɔmin. I liɛ'n, kɛ a nin famiɛn'n be ´kɔ cɛn dilɛ'n, ɔ klun ´jɔ klanman.» Ndɛ sɔ'n yoli Aman fɛ. Ɔ man be kplannin kɔmin bolɛ waka'n.

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Ɛstɛr 9:25

sanngɛ Ɛstɛr ko wunnin famiɛn'n wun, kpɛkuun famiɛn'n man be klɛli fluwa kɛ klunwi sa nga Aman fa sunnzunnin Zuif mun'n, man ɔ tɔ i bɔbɔ ti su nan be bo i nin i mma'm be kɔmin.

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 145:20

Be nga be klo Anannganman'n, ɔ nian bé su. Yɛ ɔ nunnun klunwifuɛ mun.

Jue Mun 147:6

Anannganman suan yalɛfuɛ'm bé bo. Ɔ kan klunwifuɛ'm be ase lele be tɔ asiɛ wun bɔ.

Jue Mun 18:26

Anannganman, sran ng'ɔ ti kpa'n, a nin i be nanti kpa. Sran ng'ɔ yo-man sa'n, ɔ kusu a yo-mɛn i sa.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Nyanndra Mun 15:25

Sran ng'ɔ yo i wun dandan'n, Anannganman saci i awlo'n, sanngɛ Anannganman kunngba'n sasa angboti bla'n i like liɛ ng'ɔ lɛ i'n.

Nyanndra Mun 4:19

Klunwifuɛ'm be atin liɛ'n, aosin'n dun su tritritri. Like ng'ɔ ko yi be ase'n be wun-mɛn i.

Zeremi 49:11

‹Nán amun koko, amun aika mma'm be ti. M bɔbɔ min n ´nian be lika. Man amun angboti bla'm be lafi min su.› »

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

1 Korɛntfuɛ Mun 3:19

Afin sran'm be ngwlɛlɛ'n bɔ be waan be si i'n, ɔ ti sinnzin Nyanmiɛn nyrun. Afin be klɛli i kɛ: «Ngwlɛlɛfuɛ'm be bɔbɔ be gblɛ bɔ be kpɛ'n yɛ Nyanmiɛn fa tra be-ɔ .»

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.