Jue Mun 146:4 - NYANMIƐN NDƐ'N 1998

⁴ Kɛ be ko ka nun bɔ be ko sa be sin ko yo fa'n, wuun like kwlaa nga be sunnzunnin kɛ be ´yo'n i kwlaa ɔ'a ka lɛ ɔ'a mlin cɛn kunngba sɔ'n nun.

Jue Mun 146:4 ပူးပေါင်းရင်းမြစ်များ

Bo Bolɛ 2:7

Kpɛkuun Anannganman Nyanmiɛn fali fa nan ɔ'a fa yi sran kun, yɛ ɔ fitali sran'n i bue'n nun yɛ sran'n deli wunmiɛn-ɔn , yɛ ɔ nyannin nguan-an.

Bo Bolɛ 3:19

Nvufle ´tu wɔ kpa nan w'a nyan ɔ́ nuan nun aliɛ w'a di. Ɔ ´yo sɔ lele nan w'a fa sa ɔ sin a kaci fa ekun, afin fa yɛ n fa yili wɔ-ɔ. A ti fa yɛ a wa sa ɔ sin a ´kaci fa ekun.»

Bo Bolɛ 6:17

Afin n wa tɔ anannganman su nzue kun asiɛ'n su, n ´fa nunnun ninnge nga be wo asiɛ'n su'n be kwlaa. N ´kun asiɛ'n su ninnge'm be kwlaa.

Zɔb I Nyrɛnnɛn Wunlɛ 14:10

Sanngɛ sran'n i liɛ'n, kɛ ɔ ko wu'n, ɔ kwla keje-mɛn i wun kun. ?Kɛ ɔ ko ka nun'n, ninfan yɛ ɔ kɔ-ɔ?

Zɔb I Nyrɛnnɛn Wunlɛ 14:21

Sɛ i mma'm be ´nyan nyrun o! Ɔ si-man nun! Sɛ be ´yo be finfin o! Ɔ si-man nun.

Zɔb I Nyrɛnnɛn Wunlɛ 17:1

N lo wunmiɛn-ɔn ɔ gua-man ase kun, m'an wie wu. Asieliɛ'n ɔ su minndɛ min.

Zɔb I Nyrɛnnɛn Wunlɛ 17:11

Min cɛn'n ɔ'a ju. Sa nga n jajali be bɔ be ti cinnjin min sa nun'n b'a saci.

Zɔb I Nyrɛnnɛn Wunlɛ 27:3

Kɛ Nyanmiɛn i nguan ng'ɔ fa wlali min nun'n ɔ tɛ o min nun'n, kɛ n tɛ de wunmiɛn'n,

Jue Mun 104:29

Sanngɛ sɛ a to ɔ́ nyin blo'n, srɛ kun be kpa. Sɛ a yi wunmiɛn ng'ɔ o be nun'n, be ka lɛ be wu, yɛ be sa bé sin be kaci fa.

Jue Mun 33:10

Anannganman saci nvle-nvlefuɛ'm bé sa nga be jaja mun. Be ninnge nga be bu be akunndan sie kɛ be ´yo'n, ɔ bu i bue.

Jue Mun 90:3

Wɔ yɛ man sran sɛ i sin asiɛ'n bo lɔ-ɔ. A se klɔ sran'n kɛ: «Sa ɔ́ sin kan a fin lɔ ba'n!»

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Akunndanfuɛ'n 9:6

Be sran klolɛ o, be sran kpɔlɛ o, be kwla silɛ o, i kwlaa sɔ'n ɔ'a wie. Ninnge nga be ´yo be nyanmiɛn'n bo wa'n, be liɛ nun-man nun kun mlɔnmlɔn.

Ezai 2:22

Amun `yaci amún wla'n klɔ sran su fa gualɛ, afin i nguan'n ti tika kpe kan sa. ?Wan yɛlɛ sran?

Ngwlɛ Yilɛ 4:20

Sran nga Anannganman guɛli i ti su ngo b'ɔ fɛ i sieli é su'n, i b'ɔ man e wla'n gua ase'n, e seli e klun lɔ kɛ: «Bian nga, sɛ ɔ tran e su'n, e ´nyan tranwlɛ'n wie be nga'm be afiɛn!» I sɔ sran liɛ'n, ɔ'a tɔ e kpɔfuɛ'm be kunman'n nun .

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

1 Korɛntfuɛ Mun 2:6

Sanngɛ ngwlɛlɛ ndɛ yɛ e kan kle sran bɔ bé nyin a ti mun-ɔn. Ngwlɛlɛ sɔ'n fin-man e blɛ su, yɛ ɔ fin-man e wlengbi mun bɔ be blɛ liɛ'n ɔ wa wie'n.