Jue Mun 143:8 - NYANMIƐN NDƐ'N 1998

⁸ Nglɛmun'n, kɛ be ´se kɛ lika'n ɔ'a cɛn cɛ'n, man n wun ɔ klun-ufue'n nun weiin, afin ɔ su yɛ n fa min wla'n gua-a. Atin ng'ɔ ti bɔ n `fa su'n, kle min, afin ɔ́ su yɛ n lafi-ɔ.

Jue Mun 143:8 ပူးပေါင်းရင်းမြစ်များ

Jue Mun 119:34

Man min ngwlɛlɛ man n fa ɔ mmla'n su, yɛ n ´tu n klun n fa su .

Jue Mun 119:73

A siesieli min kɛ be fa wu talie'n sa, kusu wɔ yɛ man n jran ca-a ɔ yo ye-ɔ. Man min ngwlɛlɛ man n `fa suan ɔ mmla mun.

Jue Mun 143:10

Kle min ɔ klun sa'n i yolɛ'n. Wɔ yɛ a ti min Nyanmiɛn nin-ɔn. Man ɔ Wawɛ klun-ufuefuɛ'n ɔ dun mmua min nyrun atin b'ɔ ti kpa'n su.

Jue Mun 25:20

Sasa min, yɛ de min. Sɛ n talo wɔ-ɔ, nán man n wun nyannzuɛn.

Jue Mun 27:11

Be bɔ be klo-man mín sa'n be ti, Anannganman, kle min wɔ atin'n, yɛ fa min sin atin kpa'n su.

Jue Mun 30:5

Anannganman i sufuɛ nanwlɛfuɛ mun, amun `to jue bo flɛ i, afin i dunman'n ɔ lɛ-man wunsu. Amun `mɛnmɛn i.

Jue Mun 32:8

Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Jue Mun 42:8

Wɔ man nzue'n ɔ bo, kpɛkuun ɔ bo ekun flan nun. Nzue ng'ɔ ´bo lɛ'n, i kwlakwla'n sin min su kpan! Ɔ kata min su kplu!

Jue Mun 46:5

Nzue ba kun wo lɛ bɔ kɛ ɔ ´sonji'n, ɔ man aklunjuɛ Nyanmiɛn i klɔ'n nun. Ɔ yo man aklunjuɛ o Nyanmiɛn b'ɔ like fi nun-mɛn i sin'n i tranwlɛ'm be nun lika kpa i nun.

Jue Mun 5:8

Sanngɛ n liɛ'n, a si min aunnvuɛ dan, i ti n wlu ɔ́ sua'n nun. N koto ɔ́ lika kpa'n i ndɛnman su nin ainyiɛ.

Jue Mun 59:16

Be wlan-wlan lika'n nun be ´kunndɛ like be ´di. Sɛ be ku a yi-man'n, kpɛkuun be su ijɔ.

Jue Mun 86:4

Min Min, ɔ su yɛ n kpɛ mín nyin-ɔn, n srɛ wɔ, yo man min klun jɔ.

Jue Mun 90:14

Bo e ye yolɛ'n bo nglɛmun ndɛ kpa'n, nan cɛn kwlaa é wun `fa e feke, nan e klun jɔ.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezai 48:17

Anannganman b'ɔ kpɔ amún ti'n, b'ɔ ti Izraɛl Nyanmiɛn'n, i ndɛ b'ɔ kan'n yɛ, i waan: «Min Anannganman bɔ n ti amun Nyanmiɛn'n, n kle amun like, amun bɔbɔ amún kpa yolɛ ti yɛ n kle amun-ɔn. Min yɛ n kle amun atin ng'ɔ fata kɛ amun sin nun nin-ɔn.

Ngwlɛ Yilɛ 3:41

Kɛ e ´srɛ Nyanmiɛn bɔ e man é sa'n su'n , i kunngba nin-ɔn, sɛ ɔ ti like bɔ be man su-ɔ ɔ yo ye'n, wuun n se kɛ e man e anwlɛn'n su nglo e kle Nyanmiɛn.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Jɔlɛ Difuɛ Mun 13:12

Manɔak seli kɛ: «Ndɛ'n yɛ a kɛnnin i lɛ-ɔ. ?Sɛ sa sɔ'n i nuan yia'n, nguɛ yɛ e ´yo e man ba nin-ɔn?»

1 Samiɛl 23:12

David usali kɛ: «Kɛila kpɛnngbɛn'm be ´kplin su kɛ Sail tra e nin min sran mun?» Anannganman waan: «Ɛɛn! Be ´kplin su.»