Jue Mun 143:3 - NYANMIƐN NDƐ'N 1998

³ Min kpɔfuɛ'n ɔ fuan min. Ɔ'a yi min ase ɔ'a tiatia mín su. Ɔ'a fa min ɔ'a yi i wie'n i aosin'n tuun nun kɛ be bɔ be wuli mlɔnmlɔn'n sa.

Jue Mun 143:3 ပူးပေါင်းရင်းမြစ်များ

2 Samiɛl 18:11

Zoab seli sran ng'ɔ boli jasin'n kɛ: «?Yɛ kɛ a wunnin i'n, ɔ yo sɛ ti yɛ a ka-man lɛ a kun-mɛn i-ɔ? Sɛ a kunnin i'n, wuun m ´man wɔ jɛtɛ ufue mma blu ɔ nin bé bo kplo kun.»

2 Samiɛl 2:22

Abnɛr seli Azaɛl ekun kɛ: «Yaci mín su sulɛ'n, nán yo man n kun wɔ ngbɛn. Sɛ ɔ yo sɔ-ɔ, n su kwla-man ɔ niaan bian Zoab nyrun nian.»

Jue Mun 142:6

Anannganman, wɔ yɛ n kpan flɛ wɔ-ɔ. N se kɛ: «Wɔ yɛ a ti min fiawlɛ-ɔ. Asiɛ'n su wa'n, wɔ yɛ a ti min like bɔ n lɛ i nin-ɔn.»

Jue Mun 35:4

Be nga be kunndɛ kɛ be ´kun min'n, man bé nyin gua ase, man be wun nyannzuɛn. Be nga be gugu kɛ be ´yo min sa'n, man nyannzuɛn kun be, nan be bli be sa bé sin be wɔ.

Jue Mun 54:3

Ee Nyanmiɛn, de min nan be `si kɛ wɔ yɛ a ti Nyanmiɛn nin-ɔn. Yi ɔ fanngan'n i nglo nan di min jɔlɛ mun klanman man min.

Jue Mun 7:5

sɛ n yoli min sran kpa wie i sa'n, sɛ n fɛnnin sran ng'ɔ kpɔ min ngbɛn'n i bo ninnge'n,

Jue Mun 7:6

man min kpɔfuɛ wie fuan min tra min, man ɔ yi min ase tiatia min su, ɔ kun min nan n dunman saci asiɛ'n su.

Ngwlɛ Yilɛ 3:6

Ɔ'a fa min ɔ'a wlɛ i aosin tuun nun kɛ be bɔ be wuli, be si-man i afuɛ'n be liɛ'n sa.

Ezekiɛl 37:11

Ɔ seli min kɛ: «Klɔ sran, owie nga'm be ti Izraɛl nvle'n i nzɔliɛ. Ndɛ nga Izraɛlfuɛ'm be kan'n yɛ: ‹E owie'm b'a wu kee, e lɛ-man e wla'n i guawlɛ kun.›

Mise 7:8

E kpɔfuɛ mun nan, nán an sri ye. E tɔli sɔ, sanngɛ e ´jaso. Aosin'n li ɔ'a lu ye su sɔ, sanngɛ Anannganman'n ti é kannin.