Jue Mun 141:2 - NYANMIƐN NDƐ'N 1998

² Min srɛlɛ nga n srɛ'n, man ɔ yo ɔ nyrun kɛ ansans sa. Mín sa nga m man be su'n man ɔ yo ɔ nyrun kɛ nnɔsua nun tɛ bɔ be yi'n sa .

Jue Mun 141:2 ပူးပေါင်းရင်းမြစ်များ

1 Famiɛn Mun 18:36

Kɛ blɛ nga be yi nnɔsua wia'n nun sraka'n juli'n, Eli ko jrannin nzrafuɛ'm be nyrun lɛ, yɛ ɔ seli kɛ: «Anannganman, Abraam Nyanmiɛn, Izaak Nyanmiɛn yɛ Zakɔb Nyanmiɛn, yo man ndɛkɛn be si kɛ wɔ yɛ a ti Izraɛl Nyanmiɛn nin-ɔn, nan n kusu n ti ɔ sufuɛ, nan wɔ yɛ man n yoli like nga kwlaa-a.

Ɛsdras 9:4

Be kwlaa nga Anannganman i ndɛ'n i wun srɛ o be klun'n, sa tɛ nga Izraɛlfuɛ nga be fin kanga'n nun bali'n be yoli'n ti, be wa yiali min wun lɛ. N trannin sɔ lele nnɔsua tɛ yilɛ dɔ'n juli.

Jue Mun 134:2

An `man amun sa'm be su an `tinngɛ be Nyanmiɛn i sua'n i ndɛnman. An `la Anannganman i ase!

Jue Mun 28:2

Kɛ n kpan n flɛ wɔ'n, tie min aunnvuɛ srɛlɛ'n. Kɛ n tinngɛ mín sa ɔ lika nga a tran nun'n i ndɛnman bɔ n srɛ wɔ'n, tɛ min srɛlɛ'n su.

Jue Mun 5:3

Min famiɛn, min Nyanmiɛn, sie ɔ́ su tie flɛlɛ bɔ n flɛ wɔ'n, afin wɔ yɛ n srɛ wɔ-ɔ.

Jue Mun 63:4

Afin ɔ klun-ufue'n i kpa tra nguan'n. N ´fa mín nuan'n n ´yi wɔ ayɛ.

Ezipt Lɔ Tulɛ'n 29:39

Man be fa kun be man min nglɛmun, kun'n kusu be `fa man min nnɔsua.

Ezipt Lɔ Tulɛ'n 35:15

ansans yrawlɛ'n nin i waka floloflolo mun, ngo nga be fa gua bé ti su'n, ansans nga be yrɛ i'n, Nyanmiɛn tannin sua'n i anuan nun rido'n,

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Daniɛl 9:21

Kɛ bɔ n tɛ ijɔ sɔ'n, kpɛkuun anz Gabriɛl nga bɔ n dun mmua wunnin i aolia nun klikli kun'n, ɔ tuli ndɛndɛ ɔ wunngeli mín wun wa, nnɔsua nun blɛ nga i nun yɛ be yi sraka'n i su yɛ ɔ bali-ɔ.

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Kalɛ 16:35

Kpɛkuun Anannganman yoli man sin taaman kun fin i wun lɔ wa jrali sran ya nnyɔn sran ablenun bɔ be su fa ansans be ´mɛn i'n be su nan ɔ'a yra be sekeseke kpan.

Sa nga bé yôli'n 3:1

Le kun Piɛr nin Zan be su kɔ Nyanmiɛn i sua'n nun nnɔsua wia'n nun be nin Nyanmiɛn be yalɛ kokolɛ dɔ'n su.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

Sa nglô yile 5:8

Kɛ Bua Gbanflɛn'n sɔli fluwa nun'n, like nnan bɔ be ti kɛ nnɛn sa'n, be nin kpɛnngbɛn ablaɔn-nin-nnan'n be wa kotoli i bo. Aluku nin sika klowa mun be o be kwlakwla bé sa nun. Ansans o klowa sɔ'm be nun. Ansans'n yɛlɛ yalɛ nga Nyanmiɛn sran'm be koko kle i'n.