Jue Mun 140:9 - NYANMIƐN NDƐ'N 1998

⁹ Anannganman, like nga klunwifuɛ'n waan ɔ ´yo'n, nán man ɔ yo ye. Sa ng'ɔ sunnzun'n kɛ ɔ ´yo'n, nán mɛn i wun atin, ɔ ti-mɛn i ti-ɔ, ɔ ´fa di i nuan.»

Jue Mun 140:9 ပူးပေါင်းရင်းမြစ်များ

Ɛstɛr 5:14

Yɛ i yi Zeres nin i janvuɛ'm be seli i kɛ: «Man be kplan kɔmin bolɛ waka kun. Man i nglo-nglo'n ju mɛtri ablaɔn-nin-nnun nan ainman ko se famiɛn'n man be bo Mardose kɔmin. I liɛ'n, kɛ a nin famiɛn'n be ´kɔ cɛn dilɛ'n, ɔ klun ´jɔ klanman.» Ndɛ sɔ'n yoli Aman fɛ. Ɔ man be kplannin kɔmin bolɛ waka'n.

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Jue Mun 64:8

Sanngɛ nian, Nyanmiɛn ɔ'a fɛ i ta mma'n ɔ'a to i bé wun, b'a wun-man nun. Kɛ e ´se yɛ'n, be gua lɛ.

Jue Mun 7:16

Ɔ'a kpɛ kunman kploun kpa kun, kpɛkuun i bɔbɔ ɔ'a kaci ɔ'a tɔ nun.

Jue Mun 94:23

Ɔ ´fa bé sa tɛ'n yi be bɔbɔ bé ti su. Be bɔbɔ be klunwi'n ti, ɔ ´nunnun be Anannganman e Nyanmiɛn'n ɔ ´nunnun be.

Nyanndra Mun 10:11

Sran kpa'n i nuan nun ndɛ'n ɔ man nguan. Klunwifuɛ'm be kusu, be ´kan ndɛ sa-a, ɔ waan ndɛ kpa yɛ be ´kɛn i lɛ-ɔ.

Nyanndra Mun 10:6

Sran kpa'n, san muae cɛ yɛ ɔ o i wunmuan su-ɔ. Klunwifuɛ'm be kusu, be ´kan ndɛ sa-a, ɔ waan ndɛ kpa yɛ be ´kɛn i lɛ-ɔ.

Nyanndra Mun 12:13

Sran tɛfuɛ'n i ato ng'ɔ bua'n, ɔ ti kɛ i bɔbɔ wun aya sa yɛ ɔ sua-a. Sanngɛ sran kpafuɛ'n, man sa'n bɔ tɔ i su sɛ, san ɔ ´fin nun fite.

Nyanndra Mun 18:7

Sinnglinfuɛ'n i ndɛ ng'ɔ kan'n, ɔ ti i bɔbɔ i nguan nyanman nun kpɛkpɛlɛ. I bɔbɔ i nuan'n yɛ ɔ kun i-ɔ.

Matthieu 27:25

Yɛ sran'm be kwlaa be seli i kɛ: «Man i wie ndɛ'n ka e nin e mma mun ye su .»

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›