Jue Mun 140:8 - NYANMIƐN NDƐ'N 1998

⁸ Anannganman Nyanmiɛn, a ti kɛ min fiawlɛ sua sa, wɔ yɛ man n nyan n ti-ɔ. Kɛ alɛ'n tɔ'n, wɔ yɛ a kata mín su-ɔ.

Jue Mun 140:8 ပူးပေါင်းရင်းမြစ်များ

2 Samiɛl 15:31

Be wa seli David kɛ: «Asitɔfɛl o Absalɔm sin, ɔ o be nga be jaso ɔ wun be nun.» Yɛ David waan: «Anannganman n ´srɛ wɔ, nán man Asitɔfɛl i afɔtuɛ'n ng'ɔ ´man be'n be yo ye.»

Jue Mun 144:10

Sɛ famiɛn'm be ´nyan be ti'n, ɔ fin wɔ. Ɔ fanngan nun yɛ man tokofi'n ɔ nyan-man David b'ɔ ti ɔ sufuɛ nin-ɔn.

Jue Mun 27:12

Nán fa min wla min kpɔfuɛ'm bé sa nun. Nian, sran suɛn tɔnfuɛ'm b'a jaso min wun. Be ti wlɛfuɛ ngunmin kokoko yɛ be o lɛ-ɔ.

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›