Jue Mun 140:13 - NYANMIƐN NDƐ'N 1998

¹³ N si kɛ Anannganman di nyrɛnnɛnfuɛ'm be jɔlɛ mun klanman man be, yɛ ɔ bu-man yalɛfuɛ'm be ndɛ kwlɛ.

Jue Mun 140:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 36:6

Ɔ man-man sran ng'ɔ bu-man Nyanmiɛn like fi'n i nguan nyanman tɛnndɛn. Ɔ di yalɛfuɛ'm be jɔlɛ'n kpa.

Jue Mun 11:7

Afin Anannganman ti sɛsɛ. Ɔ klo like nga be yo i i nuan su sɛsɛ'n. Be bɔ be ti sran kpa'n be ´wun i nyrun'n.

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Jue Mun 23:6

N si kɛ kɛ min nyin tɛ o su'n a ´yi ɔ klun-ufue'n nin ɔ klolɛ'n be nglo min lika cɛn'n kwlakwla. Anannganman, n su yaci-man ɔ sua'n nun balɛ le, san m'an wu.

Jue Mun 32:11

Nyanmiɛn sufuɛ nanwlɛfuɛ mun, man amun klun jɔ, man amun wun kpaja amun Anannganman ti. Sran kpa mun, amun klun b'ɔ ti jɔwa'n ti, an `bo sro!»

Jue Mun 35:10

N ´tu n klun, n ´se kɛ: «Ee! Anannganman, a lɛ-man wunsu mlɔnmlɔn. Wɔ man nyrɛnnɛnfuɛ'n ɔ nyɛn i ti sran ng'ɔ kwlɛ i'n i sa nun. Wɔ man nyrɛnnɛnfuɛ'n nin yalɛfuɛ'n, be nyan bé ti sran ng'ɔ fɛn bé bo ninnge kanngan'n bé sa nun'n i sa nun.»

Jue Mun 73:24

Ɔ bɔbɔ wɔ akunndan liɛ'n yɛ a fa tinngɛ min-ɔn, yɛ cɛn kun a ´fa min kɔ wɔ anyrunnyan dan'n i lika'n nun lɔ.

Jue Mun 97:12

Amun nga Anannganman bu amun sran kpa'n, man amun klun jɔ i dunman nun. An `bo flɛ i, afin i nzuɛn'n nin klɔ sran liɛ'n ti-man kun.

Nyanndra Mun 22:23

Afin Anannganman de i sɔ sran liɛ'm bé ti ndɛ kan. Ɔ sran nga a de yalɛfuɛ i wun ninnge mun'n, Anannganman ´kpɛ ɔ nguan'n i sin.

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Jean 14:3

Sɛ n kɔ nan n wie i siesie'n, m ´ba m ma fa amun nan lika nga n tran lɔ'n, an `tran lɔ wie.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

1 Tɛsalonikfuɛ Mun 4:17

i sin kɛ ɔ ko yo sɔ'n, e nga é nyin tɛ o su'n, Nyanmiɛn wa man e nin be e su nyanmiɛn ble'n nun, yɛ e ´ko kpa e Min'n i atin nglo lɔ. Kɛ ɔ ko yo sɔ'n, e nin e Min'n e ´tran manndimaan .