Jue Mun 137:3 - NYANMIƐN NDƐ'N 1998

³ Kpɛkuun be nga be trali e ɔli'n be waan e to jue e kle be. E yalɛ klefuɛ'm be waan e to aklunjuɛ jue. Be waan: «An `to Siɔn lɔ jue'n wie kle ye.»

Jue Mun 137:3 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 21:6

«Cɛn kun wa ju bɔ like nga amun wun be yɛ'n, be kwlaa be ´saci. Yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Jue Mun 80:6

Awlaboɛ'n ɔ ti ɔ sran'm be aliɛ yɛ a fa ta be-ɔ. A yo man be nyinmuɛn'n ɔ bu sa puu.

Jue Mun 79:1

Jue nga ti Azaf liɛ. I waan: Ee Nyanmiɛn, aofuɛ wie'm b'a fa ɔ lika'n, b'a yo ɔ́ sua'n i fiɛn, yɛ b'a bubu Zerizalɛm klɔ wunmuan'n, ɔ'a kaci kɛ yɛbuɛ kwle sa.

Jue Mun 65:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 9:14

Anannganman, si min aunnvuɛ, nian nyrɛnnɛn bɔ min kpɔfuɛ mun b'a fa min b'a yi nun-ɔn. Yo man n fin wie'n i sa nun n fite.

Neemi 4:2

Nan b'a gugu kɛ bé bo `yo kun nan be nin ye bɔ e ti Zerizalɛmfuɛ mun'n e `kun nan be `sanngan e nun.

1 Be Nyoliɛ 16:7

Le kun sɔ'n nun yɛ David sieli Azaf nin i niaan'm be kɛ be to Nyanmiɛn manmanlɛ jue nin-ɔn.

Ezai 51:11

Be nga Anannganman deli be'n, be ´sa bé sin, be ´wlu Zerizalɛm wa, wuun be ´to jue kekle kpa, be klun'n ɔ ´jɔ tititi, bé wun ´kpaja be, bé wun ´nyrɛn be, kpɛkuun be klunngbɔ'n nin be kplinlɛ'n be wie .

1 Be Nyoliɛ 15:27

David wlali tralɛ dan kun. Be fali lɛn nyanman plili yɛ be wuli-ɔ. Levifuɛ nga be sua alaka'n be kwlaa, ɔ nin jue tofuɛ mun, ɔ nin Kɛnania b'ɔ ti alaka'n suafuɛ nin jue tofuɛ'm be su kpɛn'n, be wlali tralɛ wafa kunngba sɔ'n wie. Nyanmiɛn nyrun jranfuɛ'm be tralɛ'n bɔ be fa lɛn nyanman plili be wu'n, kun wla David wun ekun.

Nyanndra Mun 25:20

Ayrɛ o nun kpɛkuun b'a yi bé wun tralɛ'n, kannin kun wo sran wun kpɛkuun b'a fa vinɛgri b'a gua nun. I kunngba'n yɛlɛ kɛ sran kun klun jɔ-man kpɛkuun be su to jue be kle i. I sɔ yolɛ'n ti sinnzin like.