Jue Mun 135:9 - NYANMIƐN NDƐ'N 1998

⁹ Anannganman yili atrɛ mun, ɔ yoli abonuan sa mun Ezipt mɛn'n nun lɔ. Ɔ fa tuli Ezipt famiɛn nin i sufuɛ mun be fɔ.

Jue Mun 135:9 ပူးပေါင်းရင်းမြစ်များ

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Jue Mun 136:15

Ɔ yoli man Ezipt famiɛn'n nin i sonja'm be mlɔnnin jenvie sɔ'n nun, afin i klun-ufue'n wo lɛ tititi.

Jue Mun 78:12

Ezipt lɔ Zɔan lika'n nun lɔ'n, ɔ yili atrɛ be nannan'm be nyrun.

Sa nga bé yôli'n 7:36

I yɛ ɔ deli be Ezipt lɔ nin-ɔn. Ɔ yoli abonuan sa mun, ɔ yili atrɛ mun Ezipt lɔ, nin Ndɛma Jenvie nun, ɔ nin aawlɛ flɛnnɛn nun lɔ afuɛ ablanan .

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 6:22

Anannganman yili atrɛ mun, ɔ yoli abonuan ninnge sroesroe mun e nyrun. Ɔ fali sa yalɛ yili i Eziptfuɛ mun nin famiɛn'n i bɔbɔ, ɔ nin i awlofuɛ'm bé su.