Jue Mun 135:7 - NYANMIƐN NDƐ'N 1998

⁷ ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Jue Mun 135:7 ပူးပေါင်းရင်းမြစ်များ

1 Famiɛn Mun 18:1

Kɛ ɔ yoli sɔ'n, ɔ cɛli kpa bɔ lɔun, kpɛkuun Anannganman wa kan ndɛ kleli Eli. Kɛ nzue'n jrannin'n, i afuɛ nsan su yɛ Anannganman i nuan toli Eli-ɔ. Ɔ seli i kɛ: «Kɔ, fa ɔ́ wun kle Akab, afin n su wa tɔ nzue asiɛ'n su.»

Zɔb I Nyrɛnnɛn Wunlɛ 5:10

Ɔ tɔ nzue asiɛ'n su, Ɔ yo man nzue'n ɔ guagua fie'm be su.

Jue Mun 107:25

Kɛ ɔ ´uke i nuan sa'n, wuun aunngban dan'n ɔ su tu, wuun nzue'n ɔ su jaso kendenglein!

Jue Mun 148:8

sin o, nzraama bɔ kɛ nzue tɔ-ɔ ɔ gua nin o, aunngban dan bɔ i yɛ ɔ sunman be nin o,

Jue Mun 78:26

I sin'n, Nyanmiɛn suli aunngban ng'ɔ fin wia afiliɛ'n i bo, ɔ man ɔ fitali nglo lɔ. I fanngan nun'n, ɔ suli mɛn'n i ja ngua lɔ aunngban'n i bo kɛ ɔ fita.

Zeremi 10:13

I nuan b'ɔ ´uke sa'n, kpɛkuun nyanmiɛn su lɔ nzue'm b'a kan b'a bo nun. Nzue'n mlan dan kpa asiɛ'n i bue kun lɔ. Ɔ man nyanmiɛn'n kpa sin kpɛkuun nzue'n tɔ. Aunngban'n fin i finwlɛ nun fite.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 51:16

I nɛn b'ɔ ´uke sa'n, kpɛkuun nyanmiɛn su lɔ nzue'n b'a kan b'a bo nun. Nzue'n ɔ mlan dan kpa asiɛ'n i bue kun lɔ. Ɔ man nyanmiɛn'n ɔ kpa sin kpɛkuun nzue'n tɔ. Sɛ e ´kwla se'n, aunngban'n fin i sua'n nun lɔ fite.

Zonas 1:4

Anannganman man aunngban dan kun fitali jenvie'n su, kɛ e ´ijɔ wa-a jenvie'n yɛ ɔ su bo yɛ. Nzue'n su wa bubu mmeli'n nun.

Zakari 10:1

An `srɛ Anannganman man nzue'n `tɔ munngun nun. Afin nzue dandan nga be tɔ'n, i yɛ ɔ tɔ be-ɔ. Ɔ ´tɔ nzue dan kpa ´man amun nan amun kwlaa amun fie'm be su ninnge be `wla nnya klanman kpa.

Jean 3:8

Aunngban'n fita kan ɔ klo'n, a ti i ngan, sanngɛ a si-mɛn i finwlɛ nin i kɔwlɛ. Sran kwlaa nga Nyanmiɛn Wawɛ'n wu i'n, kɛ ɔ ti sɔ-ɔ.