Jue Mun 135:5 - NYANMIƐN NDƐ'N 1998

⁵ N wunnin kɛ Anannganman ti dan nan ɔ tra amuɛn'm be kwlakwla.

Jue Mun 135:5 ပူးပေါင်းရင်းမြစ်များ

Jue Mun 147:5

E Min'n ɔ ti dan, i wunmiɛn'n ɔ cɛnnin. I ngwlɛlɛ'n ɔ lɛ-man tiwa.

Jue Mun 48:1

Jue nga ti Kɔre i sran'm be liɛ. Be waan:

Jue Mun 89:6

Anannganman, anz'm be bo flɛ wɔ abonuan sa bɔ a yo be'n ti. Be nga be ti ɔ liɛ'n be anyia nun'n, be yi wɔ ayɛ ɔ nanwlɛ bɔ a di i titi'n ti.

Jue Mun 95:3

Afin Anannganman ti Nyanmiɛn kun b'ɔ ti kpli. Ɔ ti famiɛn dan ɔ sie ninnge'n kwlaa.

Jue Mun 97:9

Afin wɔ Anannganman, like fi nun-man ɔ sin asiɛ'n su wa. Ɔ dan tra amuɛn mun fatifatifati.

Ezai 40:22

Anannganman ti asiɛ'n i ti su nglo lɔ ɔ man asiɛ'n su sran'm be ti kanngan kɛ lalo mun sa. I yɛ ɔ tinngɛli nyanmiɛn ng'ɔ wo e ti su nglo'n i nun kɛ tannin sa-a, i yɛ ɔ trɛli nun kɛ tannin sua sa yɛ ɔ fa yoli i tranwlɛ nin-ɔn.

Ezai 40:25

«?Wan yɛ amun ´fa min sunnzun i bɔ n ´kwla fɛ i-ɔ?» Nyanmiɛn b'ɔ lɛ-man wunsu'n yɛ ɔ usa sɔ-ɔ.

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.