Jue Mun 132:2 - NYANMIƐN NDƐ'N 1998

² Anannganman, ɔ fua kleli wɔ, ɔ fua kleli wɔ Nyanmiɛn bɔ a kwla'n, ɔ fua kleli wɔ bɔ a ti Zakɔb i Nyanmiɛn'n kɛ:

Jue Mun 132:2 ပူးပေါင်းရင်းမြစ်များ

Bo Bolɛ 49:24

Sanngɛ kɛ ɔ lɛ i ta'n nun'n yɛ ɔ lɛ nun-ɔn, i sa'n ɔ'a kpɔ-man le. Zakɔb Nyanmiɛn'n i kwlalɛ'n b'ɔ lɛ i'n ti, Nyanmiɛn b'ɔ ti Izraɛl i tafuɛ kɛ be ta bua'n kpa sa'n, Nyanmiɛn b'ɔ ti kɛ Izraɛl i yɛbuɛ b'ɔ kisa su'n sa'n,

2 Samiɛl 7:1

Famiɛn'n trannin i sua'n nun lɛ. Anannganman deli i i kpɔfuɛ nga be mɛn'm be mɛntɛn i liɛ'n lɛ be kwlaa bé sa nun. Ɔ man i wla guali ase.

2 Samiɛl 7:2

Yɛ ɔ seli Nyanmiɛn nuan ijɔfuɛ Natan kɛ: «N la sɛdri waka sua nun, kpɛkuun Nyanmiɛn i alaka'n wo tannin sua nun.»

1 Be Nyoliɛ 28:2

Famiɛn David jaso jrannin nglo, nan ɔ'a se be kɛ: «Min niaan mun, min nvlefuɛ mun, amun `sie bé su! Min waan wuun n ´kplan sua kpa kun nan be `fa Anannganman i alaka'n be sie nun. I liɛ'n, ɔ ´yo e Nyanmiɛn'n i ja takatakawlɛ. N siesieli ninnge nga n ko fa n ko kplan'n,

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 50:1

Jue nga ti Azaf liɛ. I waan: Nyanmiɛn'n, Nyanmiɛn'n, Anannganman'n su kan ndɛ. Kɛ ɔ fɛ i wia afiliɛ lɔ lele b'ɔ fa ju wia atɔliɛ lɔ'n, ɔ flɛ asiɛ wunmuan'n i sufuɛ mun.

Jue Mun 56:12

N lafi Nyanmiɛn su, srɛ kun-man min. ?Nguɛ like bɔ cɛ yɛ klɔ sran'n kwla yo min-ɔn?

Jue Mun 65:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 60:16

A wa nɔn nvle'm be nun nɔnnɔn'n, famiɛn'm be wa ta wɔ. I liɛ'n, a wa wun i wlɛ weiin kɛ n ti Anannganman, nan min yɛ n de wɔ-ɔ, yɛ min yɛ n kpɔ ɔ́ ti-ɔ, yɛ kusu n ti Zakɔb i Nyanmiɛn, n kwla.