Jue Mun 132:16 - NYANMIƐN NDƐ'N 1998

¹⁶ N ´fa be ti nyanlɛ'n n wla Nyanmiɛn nyrun jranfuɛ'm bé wun kɛ tralɛ sa. I nun lɔ Nyanmiɛn sufuɛ nanwlɛfuɛ'm be ´bo sro.

Jue Mun 132:16 ပူးပေါင်းရင်းမြစ်များ

2 Be Nyoliɛ 6:41

Siɛn'n, Anannganman Nyanmiɛn, jaso, bla wa tran ɔ́ wunmiɛn delɛ sua'n nun, fa wɔ alaka bɔ ɔ tinmin'n wo nun'n bla. Anannganman Nyanmiɛn, man ɔ wunmiɛn bɔ a fa de sran'n ɔ tran ɔ nyrun jranfuɛ'm be su. Yɛ man ɔ sufuɛ nanwlɛfuɛ'm be klun jɔ muae klanman bɔ b'a nyɛn i'n ti.

Jue Mun 132:9

Man ɔ nyrun jranfuɛ'm be wla sa'n i nuan su yolɛ'n kɛ be wla tralɛ'n sa, yɛ man ɔ sufuɛ nanwlɛfuɛ'm be bo sro.

Jean 16:24

Lele ndɛ'n, an nian srɛ-man like fi min dunman nun. An `srɛ, amun ´nyɛn i yɛ amun klun'n ´jɔ lelele.»

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Galasifuɛ Mun 3:27

Amun kwlaa bɔ kɛ an yoli batɛm'n amun nin Krist amu'an kaci sran wunmuan'n, amun nzuɛn liɛ'n ɔ'a fɛ i liɛ'n.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Jue Mun 140:4

Be nuan nun ndɛ'n i tɛ'n ti kɛ bɔyre sa, ɔ ti tɛ kɛ ɔnda'n i bɔyre'n sa !