Jue Mun 131:1 - NYANMIƐN NDƐ'N 1998

¹ Zerizalɛm kɔlɛ'n i su jue. Jue sɔ'n ɔ ti David liɛ. I waan: Anannganman, n ti-man wun tufuɛ, n yo-man mín wun dandan, like ng'ɔ ti-man mín wun su liɛ'n, n yo-man.

Jue Mun 131:1 ပူးပေါင်းရင်းမြစ်များ

2 Samiɛl 6:22

N ´yo ngbɛn tra ng'ɔ o lɛ'n su nan n yo mín wun kɛ finfinfuɛ sa bɔbɔ'n, ɔ nin i sɔ'n ngba'n, afanniɛn bla nga a kan be ndɛ lɛ'n, be su yaci-man min ayɛ yilɛ le.»

Zɔb I Nyrɛnnɛn Wunlɛ 42:3

A usali kɛ: ‹?Wan yɛ ɔ si-man sa bɔ sanngɛ ɔ sanngan sa nga n jajali'n be nun nin-ɔn?› Nanwlɛ, sa nga n kannin be ndɛ'n be tra min kpɛn. N wun-man be wlɛ, n si-man be nun ndɛ.

Jue Mun 101:5

Sran nga i wiengu suɛn yɛ ɔ tɔn i blɛlɛ-blɛlɛ sin'n, n ´nunnun i. Sran ng'ɔ bu-mɛn i wiengu sran'n, b'ɔ yo i wun dandan'n, e nin i sɔfuɛ'n e sɔn-man.

Jue Mun 122:1

Zerizalɛm kɔlɛ'n i su jue. Kɛ be wa se min kɛ: «E wɔ Anannganman i sua'n nun lɔ'n,» n klun jɔ.

Jue Mun 124:1

Zerizalɛm kɔlɛ'n i su jue. Jue nga ti David liɛ. I waan: Sɛ Anannganman nin ye nun-man nun'n, man Izraɛlfuɛ'm be kan kɛ:

Jue Mun 133:1

Zerizalɛm kɔlɛ'n i su jue. Jue sɔ'n ɔ ti David liɛ. I waan: Nanwlɛ, kɛ aniaan'm be tran likawlɛ'n i sɔ'n ti kpa, ɔ yo nyɛnmɛn.

Jue Mun 139:6

Silɛ nga a fa si min'n, ɔ tra min kpɛn, ɔ tra min ngwlɛlɛ'n su fuun, n kwla wun-mɛn i bo.

Nyanndra Mun 21:4

Sa tɛ yofuɛ'm be like b'ɔ o bé wun'n yɛlɛ bé wun nyinman-nyinmanlɛ nin bé wun tulɛ.

Zeremi 17:16

Kusu nán kɛ min yɛ n suli wɔ bo kɛ a fa nyrɛnnɛn'n yi ye su-ɔ. Nán kɛ n klo kɛ nyrɛnnɛn sa'n bla-a. Ndɛ ng'ɔ fin mín nuan fite'n yɛ ɔ wo lɛ-ɔ, ɔ bɔbɔ a si.

Zeremi 45:5

I sɔ'n kpɛkuun pɔɔ yɛ a ´kunndɛ kɛ a ´tran nun-ɔn. Nán kunndɛ pɔɔ nun tranlɛ. Nyrɛnnɛn nga n ´fa yi i mɛn'n su'n, like kun ng'ɔ su nyɛn-mɛn i'n, ɔ nun-man lɛ. Ɔ liɛ nga a ´nyɛn i'n yɛlɛ ɔ nguan'n. Kan kwlaa nga ɔ waan a kɔ'n, ɔ́ wun fouun!»

Kalɛ 12:3

Moiz kusu ti sran kun b'ɔ ti wun ase kanfuɛ dan, asiɛ nga su wa sran fi to-mɛn i wun ase kanlɛ'n nun.

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Sa nga bé yôli'n 20:19

Kɛ n ´di min Min'n i junman'n, min nyin yi i, n nyinmuɛn gua, n wun nyrɛnnɛn kpa min wun ndɛ bɔ Zuif'm be cici'n ti.

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?

Rɔmfuɛ Mun 12:16

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

Mmla'n 17:20

I liɛ'n, ɔ su tu-mɛn i wun guɛ-mɛn i wiengu'm bé su, kpɛkuun ɔ su fɔn-man mmla'n i nun ndɛ'm be nun. Ɔ man ɔ nin i osu nunfuɛ mun be ´cɛ Izraɛl bia'n su.

1 Tɛsalonikfuɛ Mun 2:10

Amun nin Nyanmiɛn an ti e lalofuɛ kɛ sa nga e yo mannin amun bɔ an lafi Krist su'n, ɔ ti kpa. Yɛ ɔ ti i nuan su, ɔ man be kwla saci-man e wun.

1 Samiɛl 16:13

Samiɛl fɛli i nnɛn wɛ'n nan ɔ'a guɛ i ti su ngo i niaan'm be nyrun lɛ. Kɛ ɔ fɛ i lɛ'n, Anannganman i Wawɛ'n jrali David su. Samiɛl kusu jasoli nan ɔ'a ɔ Rama.

1 Samiɛl 16:18

Sail i sufuɛ kun waan: «M bɔbɔ n si gbanflɛn kun. Izai ng'ɔ o Bɛtleɛm'n i wa-a. Ɔ si ngowa sɔ'n kan kpa. Kusu ɔ ti sran kpa. Ɔ ti yakpafuɛ, ɔ si ijɔ, ɔ ti klanman, yɛ Anannganman nin i o nun.»

1 Samiɛl 16:22

Sail ko mannin Izai i ngaliɛ kɛ: «David i wun yo min fɛ. I ti n klo kɛ ɔ tran mín wun wa di min junman.»

1 Samiɛl 17:15

David kusu jasoli Sail awlo lɔ ɔ ɔli Bɛtleɛm i si i bua'm bé su nianlɛ.

1 Samiɛl 18:23

Sail i sufuɛ'm be kan kleli David. David tɛli be su kɛ: «?Kɛ be se kɛ sran kun nin famiɛn'n be ti sia'n, amun bu i kɛ ɔ ti like pɔpɔ?»