Jue Mun 13:5 - NYANMIƐN NDƐ'N 1998

⁵ yɛ min kpɔfuɛ'n ɔ ´di i nuan ´se kɛ ɔ kwlali min. Uka min wunmiɛn'n su, ɔ'a yo-man sɔ-ɔ be nga be klo-man min sa'n be klun ´jɔ yɛ be ´se kɛ b'a yi min ase.

Jue Mun 13:5 ပူးပေါင်းရင်းမြစ်များ

Jue Mun 119:81

M minndɛ ɔ ukalɛ'n lele ngbɛn, min nyin o ndɛ nga a kannin'n i sin.

Jue Mun 147:11

Be nga be nyin yi Anannganman'n, bɔ be lafi i klun-ufue'n su'n, be yɛ bé wun yo i fɛ-ɔ.

Jue Mun 25:2

Min Nyanmiɛn, n fa min wla'n n gua ɔ su, nán man n wun nyannzuɛn. Nán man min kpɔfuɛ'm be kwla min nan be sri min.

Jue Mun 32:10

Afɛ wafa-wafa'n kwlaa kpɛ sin yia klunwifuɛ'n pɛ, sanngɛ sran ng'ɔ fɛ i wla gua Anannganman su'n, Anannganman niɛn i lika, ɔ yo i kpa.

Jue Mun 33:18

Be bɔ bé nyin yi Anannganman'n, bɔ be fa bé wla guɛ i ukalɛ b'ɔ uka sran'n su'n, i nyin o be su.

Jue Mun 36:7

A di nanwlɛ, a kaci-man aniɛn. Sɛ a kan ndɛ'n, ɔ ka lɛ titi, ɔ ti kɛ oka sa. Sɛ a bu ndɛ'n, sran fi wun-mɛn i sin, afin i bo'n ti kploun kɛ jenvie dan'n sa. Anannganman, a sasa sran nin nnɛn mun.

Jue Mun 38:17

N seli wɔ kɛ sɛ sa nyan min'n, nán be klun jɔ min ti, yɛ nán be yo min finfin n ja b'ɔ kpla'n ti.

Jue Mun 51:12

Ee Nyanmiɛn, man min anwlɛn kun bɔ i nun ti weiin, yo man n sin min osu nun n `fa akunndan kpa nan ɔ ka min nun.

Jue Mun 52:8

Kɛ Nyanmiɛn sufuɛ nanwlɛfuɛ'm be wun i sɔ'n, be nuan'n ´bo bé wun. Be ´sri yɛ be ´se kɛ:

Jue Mun 9:14

Anannganman, si min aunnvuɛ, nian nyrɛnnɛn bɔ min kpɔfuɛ mun b'a fa min b'a yi nun-ɔn. Yo man n fin wie'n i sa nun n fite.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Abakik 3:18

sanngɛ n liɛ'n, n lɛ aklunjuɛ Anannganman dunman nun, kɛ Nyanmiɛn ti min defuɛ'n ti n lɛ aklunjuɛ .

JÉSUS-CHRIST I DYASIN FE'N BO LUC KLELI'N 1:47

Nyanmiɛn b'ɔ ti n defuɛ'n ti, n klun jɔ,

JÉSUS-CHRIST I DYASIN FE'N BO LUC KLELI'N 2:20

Kɛ bua sunianfuɛ'm be ´sa be sin'n, be manmannin Nyanmiɛn, yɛ be yili i ayɛ ndɛ nga be tili'n, nin like nga be wunnin i'n i kwlaa ti. Afin i kwlaa'n ɔ nin nga be kan kleli be'n yoli kun.

Jude 1:21

Kɛ amun ´minndɛ kɛ e Min Jésus-Krist si amun aunnvuɛ nan ɔ man amun anannganman nguan'n, an `yo sa nga an yo-ɔ an si kɛ Nyanmiɛn klo amun'n.

1 Samiɛl 2:1

Yɛ Ani srɛli Nyanmiɛn-ɔn, ɔ seli kɛ: «Anannganman man n klun ɔ'a jɔ dan. Anannganman man m'an kwla man mín ti'n su. E nin min kpɔfuɛ mun e kan-an, ɔ ´kpɛ siɛn'n. Delɛ ng'ɔ deli min'n ti n klun ɔ'a jɔ.