Jue Mun 13:2 - NYANMIƐN NDƐ'N 1998

² ?Anannganman, nan blɛ'n kwlakwla yɛ ɔ wla ´fi min sa tititi-ɔ? ?Nan blɛ'n kwlakwla yɛ a ´to ɔ́ nyin blo sa tititi-ɔ?

Jue Mun 13:2 ပူးပေါင်းရင်းမြစ်များ

Neemi 2:2

Famiɛn'n usali min kɛ: «?Ɔ yo sɛ ti yɛ ɔ nyrun'n ti mlanwa sɔ-ɔ? Ɔ wunnɛn yo-man ɔ ya. Kɛlɛ klunngbɔ cɛ yɛ ɔ o ɔ klun-ɔn.» N klun tili min.

Ɛstɛr 7:6

Ɛstɛr tɛli i su kɛ: «E kpɔfuɛ sɔ'n bɔ i waan nán i nyinma wun ye'n yɛlɛ Aman, klunwifuɛ tɛ sɔ'n.» Aman i wawɛ'n ka lɛ wanndili i wun famiɛn nin Ɛstɛr'n be nyrun lɛ.

Zɔb I Nyrɛnnɛn Wunlɛ 10:15

I ti'n, sɛ n yo sa'n, ɔ ti kekle man min. Sɛ kannzɛ m'an yo-man sa'n, n lɛ-man atin bɔ m ´man mín ti'n su-ɔ. M'an wun nyannzuɛn sa mlɔnmlɔnmlɔn! Nyrɛnnɛn ng'ɔ o min su'n, be flɛ-mɛn i nyrɛnnɛn.

Jue Mun 10:18

A di aika nin be nga be yo be tɛtɛ'n be jɔlɛ mun klanman man be kɛ ɔ ´yo nan klɔ sran'm b'a yaci be wiengu'm be nyrɛnnɛn klelɛ'n ti.

Jue Mun 116:3

Wie'n ɔ fɛli i nyanman'n cili min. N fali blɔlɔ atin'n bɔ mlɔnmlɔnmlɔn, nyrɛnnɛn dan tɔli min su. Awlaboɛ'n ɔ kunnin min kpo.

Jue Mun 17:9

Man n fia klunwifuɛ nga be kle min yalɛ'n, ɔ nin min kpɔfuɛ nga be kunndɛ kɛ be ´kun min'n, bɔ b'a bo b'a sin b'a yia min'n be wun.

Jue Mun 31:18

Anannganman, sɛ n kpan flɛ wɔ'n, nán man mín nyin gua ase. Be nga be bu-man wɔ like fi'n bɔ be bu-man ɔ nuan ndɛ'n i like fi'n, man be yɛ bé nyin gua ase-ɔ. Man wie'n ɔ fa be, man be nuan'n ɔ kata.

Jue Mun 38:17

N seli wɔ kɛ sɛ sa nyan min'n, nán be klun jɔ min ti, yɛ nán be yo min finfin n ja b'ɔ kpla'n ti.

Jue Mun 42:4

Min nyinmuɛn'n yɛ ɔ'a kaci min aliɛ yɛ n di i nglɛmun nin nnɔsua-a, yɛlɛ kɛ sran'm be usa min kɛ: «?Ɔ Nyanmiɛn'n wo nin?»

Jue Mun 6:4

Min wla'n ɔ ti bowa. ?Anannganman, blɛ onin yɛ a ´uka min-ɔn?

Jue Mun 7:2

Anannganman min Nyanmiɛn, min waan n ´talo wɔ. De min be kwlaa bɔ be kle min yalɛ'n bé sa nun, yo man n nyan n ti.

Jue Mun 74:10

?Ee Nyanmiɛn, cɛn onin ko yɛ ɔ kpɔfuɛ'n ɔ ´yaci ɔ safle wɔlɛ-ɔ? ?Nan kɛ ɔ ´saci ɔ wun sa tititi?

Jue Mun 74:18

Anannganman, man ɔ́ wla kpɛn su kɛ ɔ kpɔfuɛ'n ɔ wɔ ɔ safle. Man ɔ́ wla kpɛn su ekun kɛ nvle nga nun sran'm be sinnzin'n ti, be yo wɔ finfin.

Jue Mun 8:2

Anannganman e Min, ɔ dunman'n ɔ yo nyɛnmɛn asiɛ wunmuan'n su! Ɔ nyrun bɔ a lɛ i'n i dan'n ɔ fu tra nyanmiɛn b'ɔ la nglo lɔ plaii'n su.

Jue Mun 9:6

A tu be bɔ be su-man wɔ'n be fɔ. A nunnun sa tɛ yofuɛ sɔ mun. A yo man be dunman'n ɔ mlin mlɔnmlɔnmlɔn.

Nyanndra Mun 15:13

Aklunjuɛ'n yɛ ɔ titi be nyrun-ɔn. Kɛ be klun jɔ-man'n, akunndan'n ti sannganwa.

Akunndanfuɛ'n 5:17

Sa nga n wunnin i sa sɔ'm be kwlaa be nun'n yɛ: like ng'ɔ ti kpa man sran'n, yɛlɛ aliɛ dilɛ, nin nzan nɔnlɛ, ɔ nin i junman kekle ng'ɔ di'n i nuan like nyanlɛ. Blɛ nga Nyanmiɛn mɛnnin i kɛ ɔ di i nyanmiɛn'n bo wa'n, ng'ɔ ti i liɛ'n yɛ ɔ o lɛ-ɔ.

Zeremi 15:18

?Ɔ yo sɛ ti yɛ min afɛ liɛ'n lɛ-man kpɛbo sɔ-ɔ? ?Kannin ng'ɔ tuli min'n, ɔ yo sɛ ti yɛ ɔ lɛ-man ayre nin-ɔn? ?Nan lakalɛ yɛ a lakali min-ɔn? Nzue ba bɔ nzue nun-man nun titi'n, be lafi i su-ɔ ɔ yo-man ye.

Zeremi 45:3

‹A waan: M'an wun min nyrun ngboko! Laa min waan n wo afɛ nun, kannzu ato yɛ m buali-ɔ, sanngɛ Anannganman ɔ'a uka su siɛn'n. M'an kplin lele m'an fɛ ngbɛn, nán wunmiɛn bɔ kan sa yɛ n ko nyɛn i n ko lo-ɔ.› »

Zeremi 8:18

Min akunndan ɔ'a sanngan. N wun-man min wun yowlɛ kunngba. Mín sa sin ɔ'a bubu min.

Ngwlɛ Yilɛ 1:5

Zerizalɛm i kpɔfuɛ'm be yɛ b'a kwla-a. B'a nyan manndran. I sa tɛ beblebe b'ɔ yo be'n ti, Anannganman ɔ'a kɛn i ase. I mma'm be yɛ be kpɔfuɛ'm be ´kankan be ´dun mmua be nyrun yɛ, be ´ko fa be yo be kanga .

Ngwlɛ Yilɛ 1:9

I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Ngwlɛ Yilɛ 5:20

?Nguɛ ti yɛ ɔ́ wla ɔ ´fi é mlɔnmlɔnmlɔn sa-a? ?Nguɛ ti yɛ ɔ waan a ´yi e blo sa tititi nin-ɔn?

Matthieu 26:38

yɛ ɔ seli be kɛ: «Awlaboɛ'n su kun min, an `ka wa, an `tran bé nyin su uka min.»

JÉSUS-CHRIST I DYASIN FE'N BO LUC KLELI'N 22:53

Cɛn kwlaa min nin amun yɛ e o Nyanmiɛn i sua nun-ɔn, amu'an tra-man min, siɛn'n amun nin aosin'n amun blɛ liɛ'n yɛ ɔ'a ju-ɔ.»

Jean 16:6

Kɛ n kɛn i sɔ kleli amun'n ti'n, amún wla'n ɔ'a bo dan.

Filipfuɛ Mun 2:27

Nanwlɛ, i wun loli kpa, ɔ wa de wu, sanngɛ Nyanmiɛn wunnin i aunnvuɛ, yɛ ɔ wunnin n kusu min aunnvuɛ wie nan ń wla'n ɔ'a bo-man ɔ'a tra-man su.

1 Samiɛl 18:29

Ɔ man ɔ sroli David trali laa'n, yɛ ɔ kpɔli i mlɔnmlɔnmlɔn siɛn'n.

1 Samiɛl 24:19

Ndɛkɛn, m'an wun i kɛ a ti klun-ufuefuɛ dan nan a klo min sa sakpa. Anannganman yili min wlali ɔ́ sa nun sanngɛ kpɛkuun w'a kun-man min.