Jue Mun 128:5 - NYANMIƐN NDƐ'N 1998

⁵ Man Anannganman b'ɔ o Siɔn lɔ'n ɔ yo ɔ liɛ ye. Kɛ ɔ́ nyin tɛ o su'n, muae nga Zerizalɛm ´nyɛn i'n, a ´nyan wie tititi.

Jue Mun 128:5 ပူးပေါင်းရင်းမြစ်များ

Jue Mun 118:26

Sran ng'ɔ ba Anannganman dunman nun'n. Man Nyanmiɛn yo i liɛ ye! E o Anannganman i sua'n nun wa yɛ e yra e nuan klanman e man amun-ɔn .

Jue Mun 122:6

An `srɛ Nyanmiɛn man fɔundi tran Zerizalɛm lɔ. Zerizalɛm, be bɔ be klo wɔ'n, man alaje'n ɔ `fua be.

Jue Mun 134:3

Man Anannganman b'ɔ tran Siɔn lɔ'n, b'ɔ boli nyanmiɛn'n b'ɔ la nglo lɔ plaii'n nin asiɛ'n ɔ yo ɔ liɛ ye!

Jue Mun 135:21

Man be la Anannganman b'ɔ o Siɔn'n, b'ɔ tran Zerizalɛm'n i ase. An `manman Anannganman!

Jue Mun 20:2

Sɛ nyrɛnnɛn tɔ wɔ su'n, nan a kpan flɛ Anannganman'n, man ɔ tɛ wɔ su. Man Zakɔb i Nyanmiɛn'n ɔ sasa wɔ.

Jue Mun 20:3

Kɛ ɔ wo i sua'n nun lɔ'n, man ɔ fin lɔ bla ɔ wa uka wɔ. Man ɔ fin Siɔn lɔ ɔ wa suan ɔ bo.

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Ezai 33:20

Amun `nian Siɔn b'ɔ ti ye anyia klɔ'n. Amun wa wun kɛ Zerizalɛm klɔ'n ti tranwlɛ b'ɔ ti diin. Ɔ ti-man tannin sua nan b'a tu i bo. Be su tutu-mɛn i kpɛngbɛ'm be bo le. Be su nyanji-mɛn i nyanman mun.

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.