Jue Mun 128:2 - NYANMIƐN NDƐ'N 1998

² Sɛ a yo sɔ'n, i liɛ'n junman nga a yo'n, a ´di i nuan like. A ´di alaje, ɔ ninnge mun'n, san kpa yɛ be ´yo-ɔ.

Jue Mun 128:2 ပူးပေါင်းရင်းမြစ်များ

Bo Bolɛ 3:19

Nvufle ´tu wɔ kpa nan w'a nyan ɔ́ nuan nun aliɛ w'a di. Ɔ ´yo sɔ lele nan w'a fa sa ɔ sin a kaci fa ekun, afin fa yɛ n fa yili wɔ-ɔ. A ti fa yɛ a wa sa ɔ sin a ´kaci fa ekun.»

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 109:11

Man sran nga i kalɛ o i su'n ɔ fɛ i sa sie i bo ninnge'n kwlaa su. Man sran ngbɛn'm be fɛn i bo ninnge b'ɔ fɛli nan ɔ'a nyan be'n.

Akunndanfuɛ'n 8:12

Kannzɛ bɔ sa tɛ yofuɛ'n ɔ yo sa tɛ'n lele kpɛ ya, nan i nguan'n i sin ɔ'a kpɛ-man'n, sanngɛ n si kɛ be nga be nyin yi Nyanmiɛn'n be liɛ be lɛ muae .

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Ezai 65:13

I sɔ'n ti, min bɔ n ti Anannganman Nyanmiɛn'n, min wan yoo: ‹Amun `nian, min sufuɛ'm be ´nyan like be ´di, sanngɛ amun liɛ'n, awe ´kun amun. Amun `nian, min sufuɛ'm be ´nyan nzue be´nɔn, sanngɛ amun liɛ'n, nzuewe ´kun amun. Amun `nian, min sufuɛ'm bé wun ´kpaja be, sanngɛ amun liɛ'n, amún nyin ɔ ´gua ase.

Zeremi 22:15

?Sɛdri waka bɔ a fa kplan sua sroesroe'n yɛ man be ´wun kɛ a ti famiɛn-ɔn? Ɔ si dili like, ɔ nɔnnin nzan kɛ sran nga'm be sa, sanngɛ i liɛ'n ɔ dili jɔlɛ mun nanwlɛ nun, ɔ fali mmla'n su, ɔ man kusu ɔ dili alaje.»

1 Korɛntfuɛ Mun 15:58

I sɔ'n ti'n, n niaan kpa mun, an `jran kekle, nán amún wun usu amun, an `di e Min'n i junman'n kpa wɔ amun nyrun tititi. Man an si kpa kɛ like nga e yo man e Min'n, ɔ su ka-man ngbɛn.

Efɛzfuɛ Mun 6:3

«Ɔ wun jɔ wɔ fɔuun, a ´cɛ .»

Mmla'n 28:11

Anannganman ɔ ´yo man amun nyan ninnge kpanngban lika ng'ɔ tali amun nannan'm be nda kɛ ɔ ´fa man amun'n i nun. Amun ´trɛ, amun nnɛn'm be ´trɛ, amun fie'm be ´yo kpa.

Mmla'n 28:39

Amun ´ta vinyi, amun ´niɛn i lika, sanngɛ kakaa'm be ´wie i ngba di, amun su nyɛn-mɛn i mma wie yo-man nzan nan se kɛ amun ´fa wie sie.

Mmla'n 28:4

Amun ´wu ba kaka, amun fie'm be ´yo kpa, amun nnɛn'm be kusu, i nannin o, i bua o, i boli o, be ´wu ba kpanngban.

Mmla'n 28:51

Be ´di amun nnɛn mun nin amun fie'm bé su aliɛ mun lele san amun ´wie nunnun. Amun ble, nin amun nzan lɔflɛ, nin amun ngo, nin amun nannin'm be mma mun, nin amun bua'm be mma mun, ɔ nin amun boli'm be mma mun'n, be su yaci-man wie fi lɛ. Yɛ amun bɔbɔ amun ´wie wu.

Mmla'n 28:8

Anannganman amun Nyanmiɛn'n ɔ ´nian amun tanngannin'm bé nun ninnge'm be su. Yɛ kusu like kwlaa nga amún yo'n, ɔ ´yo ye amun sa nun. Ɔ ´yo amun ye mɛn nga ɔ'a fa man amun'n nun.