Jue Mun 127:2 - NYANMIƐN NDƐ'N 1998

² Aliɛ'n ɔ kwla cɛn-man nan amu'an jaso, sanngɛ wuun amun la-man ndɛ. Amun fɛ lele nan amu'an nyan amun nuan nun aliɛ b'a di. Nga amun yo i sɔ'n ɔ ti ngbɛn, afin Anannganman fa aliɛ kunngba nga an di'n man i klofuɛ nga be la be lafi mun.

Jue Mun 127:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:18

Kpɛkuun a su koko-man kun, afin ɔ wla'n ɔ ´gua ase. Kɛ a la'n, ɔ klun su titi-man wɔ kun, yɛlɛ kɛ a ´wun kɛ like'n kwlaa b'a sin be osu'n nun.

Jue Mun 3:5

Kɛ n kpan flɛ Anannganman'n, ɔ jrɛn i oka'n su lɔ ɔ tɛ mín su.

Jue Mun 4:8

Aklunjuɛ nga wɔ man n nyɛn i'n, ɔ tra aklunjuɛ nga kɛ sran'm be ´kpɛ be ble kpanngban'n be nyɛn i'n, yɛ ɔ tra aklunjuɛ nga kɛ be ´yi be nzan kpanngban'n be nyɛn i'n.

Jue Mun 60:5

Wɔ man sa kekleke tɔli ɔ sran'm bé su. Wɔ man y'a yo kɛ y'a nɔn e nzan nan y'a bo sa.

Nyanndra Mun 10:22

Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Akunndanfuɛ'n 1:14

N niannin junman nga be di be nyanmiɛn'n bo wa'n be kwlaa, n wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:12

N wunnin sa kun nyanmiɛn'n bo wa, ɔ ti nyrɛnnɛn sa. Yɛlɛ kɛ sran wie tian sika nuan, sanngɛ ɔ di-man, ɔ fa minndɛ sa yalɛ nga be wa tɔ i su'n.

Akunndanfuɛ'n 6:7

Sran'n i nuan nun aliɛ'n i nyanlɛ'n i ti yɛlɛ junman kekle ng'ɔ di i nyanmiɛn'n bo wa'n. Sanngɛ ninnge ng'ɔ nyan be'n wie fi jɔ-mɛn i klun.

Zeremi 31:26

Kɛ n tinngeli'n, n wunnin kɛ lafilɛ nga n lafili'n ɔ yoli kpa.

Ezekiɛl 34:25

«E nin min bua mun e ´tra aenguɛ b'ɔ ti aunjuɛ aenguɛ. N ´fuan mɛn'n i nun blo nnɛn'm be kwlaa. Min bua mun be ´tran aawlɛ'n nun lɔ, be klun kaan sa su ti-man be. Be ´la bo'n i afiɛn lɔ .