Jue Mun 121:7 - NYANMIƐN NDƐ'N 1998

⁷ Anannganman ´nian wɔ su man sa fi su nyan-man wɔ, ɔ ´sasa wɔ.

Jue Mun 121:7 ပူးပေါင်းရင်းမြစ်များ

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

1 Be Nyoliɛ 4:10

Zaɛbɛz kpan flɛli Izraɛl Nyanmiɛn'n, ɔ seli i kɛ: «N ´srɛ wɔ kpa ti-ɔ, man min muae, yo man min asiɛ'n cɛn, sasa min. Nán sa tɔ min su, nán man n wun nyrɛnnɛn!» Kpɛkuun Nyanmiɛn tɛli i srɛlɛ'n su klanman.

Jue Mun 145:20

Be nga be klo Anannganman'n, ɔ nian bé su. Yɛ ɔ nunnun klunwifuɛ mun.

Jue Mun 34:22

Klunwifuɛ'n i klunwi'n ɔ kun i bɔbɔ. Be nga be kpɔ Anannganman i sufuɛ kpa'n, Anannganman ɔ ´bu be fɔ.

Jue Mun 41:2

Sran ng'ɔ bu yalɛfuɛ'n i akunndan'n, i liɛ su ti ye! Sɛ sa wie ´ba'n, Anannganman man ɔ to fuɛn i.

Jue Mun 97:10

Amun bɔ an klo Anannganman'n, an `kpɔ sa tɛ'n. Ɔ sasa i sufuɛ nanwlɛfuɛ'm be nguan'n. Ɔ de be klunwifuɛ'm bé sa nun .

Nyanndra Mun 12:21

Sa tɛ fi sa nyan-man klun-ufuefuɛ'n. Sanngɛ sa tɛtɛ'n kwlaa ti sin yia klunwifuɛ mun .

Kalɛ 6:24

‹Man Anannganman yo amun wun sa ye, yɛ man ɔ sasa amun!

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

2 Timote 4:18

E Min'n ´de min sa tɛtɛ'n kwlaa nun, ɔ ´nian n su, ɔ ´fa min kɔ i mɛn'n nun nyanmiɛn su lɔ. Man e yi i ayɛ tititi, nán e yaci i le! Man ɔ yo sɔ!