Jue Mun 115:9 - NYANMIƐN NDƐ'N 1998

⁹ Izraɛlfuɛ mun, amun `fa amun wla'n guɛ i Anannganman su. «Ɔ ti sran'm be ukafuɛ, ɔ sasa be kɛ nyrɛn sa .»

Jue Mun 115:9 ပူးပေါင်းရင်းမြစ်များ

Jue Mun 125:1

Zerizalɛm kɔlɛ'n i su jue. Be nga be fa bé wla'n gua Anannganman su'n, be ti kɛ Siɔn oka b'ɔ keje-man b'ɔ o lɛ titi'n sa.

Jue Mun 130:7

Izraɛlfuɛ mun, amun `fa amun wla gua Anannganman su! Afin ɔ ti aklunyefuɛ, ɔ kwla de amun lele tra su.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Ezipt Lɔ Tulɛ'n 19:5

Siɛn liɛ'n, sɛ amun ti ndɛ nga n kan kle amun'n i kpa'n, sɛ amun nian aenguɛ nga e nin amun e tra'n su kpa'n, amun ´yo min nvle b'ɔ ti min liɛ klonglo nvle kun nga'm be afiɛn, afin asiɛ wunmuan'n ti min liɛ.

Nyanndra Mun 30:5

Nyanmiɛn ndɛ'n i kwlaa ti nanwlɛ lele kpe nun. Be nga be talo Nyanmiɛn'n, ɔ sasa be kɛ nyrɛn sa.

Zeremi 10:15

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Efɛzfuɛ Mun 1:12

Ɔ yo e sɔ nan e bɔ e dun mmua fali é wla guali Krist su'n, e `mɛn i kɔmin su.

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»