Jue Mun 115:4 - NYANMIƐN NDƐ'N 1998

⁴ Mɛn sɔ'm be nunfuɛ'm be amuɛn'm be liɛ'n, be fa jɛtɛ ufue nin sika ɔkwlɛ yɛ be yo-ɔ, be ti sran sa nuan like.

Jue Mun 115:4 ပူးပေါင်းရင်းမြစ်များ

1 Famiɛn Mun 18:26

Be fali nannin nga be fa mannin be'n, be kunnin i, be biali, nan b'a fɛ i nnɛn'n b'a siesie yie'n su, kpɛkuun be flɛli Baal nglɛmun lele wia jran. Be waan: «Baal, tɛ é su!» Sanngɛ be ti-man be `fuɛn, be ti-man be `trɛ. Kɛ ɔ ´yo sɔ'n, wuun be ´si able be ´bo sin yia sraka yiwlɛ nga be yoli'n.

1 Famiɛn Mun 18:29

Kɛ midi sinnin'n, be kpan flɛli Baal kekle kpa trali laa'n. Be yoli i sɔ lele fa ju blɛ nga be yi nnɔsua wia nun sraka'n, sanngɛ b'a ti-man be `fuɛn, b'a ti-man be `trɛ.

2 Famiɛn Mun 19:18

Be guali be amuɛn'm be sin nun be wɔli be nun, yɛlɛ kɛ be ti-man Nyanmiɛn, afin sran sa yɛ ɔ yoli be-ɔ, waka nin yɛbuɛ yɛ be fa yoli be-ɔ.

2 Be Nyoliɛ 32:19

Be kannin Zerizalɛm Nyanmiɛn'n wun ndɛ. Nyanmiɛn'n yɛ be blɔli i sɔ-ɔ. Be ´kɛn i wun ndɛ sa-a, a waan nvle kun'n nga'm be amuɛn'm bé wun ndɛ yɛ be su kan-an. Amuɛn sɔ'm be liɛ'n, sran yɛ ɔ yoli be-ɔ.

Jue Mun 97:7

Be nga waka sran mun yɛ be sɔ be'n, bɔ be manman ninnge finfin mun'n, be ´wun nyannzuɛn. Ɔ lɛ-man amuɛn kun b'ɔ bu-man Nyanmiɛn like-ɔ.

Ezai 37:19

Be guali lɔ amuɛn'm be sin nun, be wɔli be nun, yɛlɛ kɛ be ti-man Nyanmiɛn, afin sran sa yɛ ɔ yoli be-ɔ, waka ɔ nin yɛbuɛ yɛ be fa yoli be-ɔ.

Ezai 42:17

Be nga bɔ be fa bé wun wla amuɛn'm be sa nun'n, be nga be se like nga be klo be sin nun be fa yo amuɛn ba'm be kɛ: «Amun ti e Nyanmiɛn'n,» be sɔfuɛ'm be ´su siɛn, yɛ nyannzuɛn'n ´kun be kpo.

Ezai 44:10

?Amuɛn bɔ be kpɛ be ba'n, nin amuɛn bɔ be klo like kɛ blalɛ sa be fa yi be'n, bɔ sanngɛ be kwla yo-man sa ye'n, be yolɛ tre?

Ezai 44:20

Cuekee, be fa be wla gua like b'ɔ ti kɛ nzuɛn sa'n i su. Sa bɔ be wun-mɛn i wlɛ'n ti b'a mlin. Be amuɛn'n ɔ de-man be. Kusu be bɔbɔ be usa-man bé wun kɛ: «Nán like ngbɛn li yɛ ɔ o min sa nun yɛ?»

Ezai 44:9

Be nga be yi amuɛn ba mun'n, nán like fi yɛlɛ be. Yɛ be ninnge nga be yi be'n, be ti ninnge ngbɛn-ngbɛn mun. Ninnge sɔ'm be nun'n, nga be waan be ti nanndoliɛ bɔbɔ'n, be kwla fa yo-man sa ye. Be nga be yi amuɛn mun'n, be ti be ninnge sɔ'm be lalofuɛ. Amuɛn sɔ'm be wun-man ase, yɛ be si-man sa fi. I ti'n, nyannzuɛn kun be nga be yi be'n.

Daniɛl 3:5

Kɛ amun ti awɛ'n, nin blo'n, nin sanngo'n, nin kote'n, nin aluku'n, nin sɛkɛsɛkɛ'n, ɔ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase nan amun `su famiɛn'n i sika ɔkwlɛ sran b'ɔ takali'n.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 8:6

Nannin ba ng'ɔ o lɛ'n, amun bɔbɔ yɛ amun kpɛli i ba-a, ajuin difuɛ'n yɛ ɔ yili-ɔ, ɔ kwla nian-man sran su. I sɔ'n ti Samarifuɛ'm be nannin ba bɔ be fa sika ɔkwlɛ be yoli'n, n wa fufu nun.

Sa nga bé yôli'n 19:26

An wun kɛ Pɔl wlawla sran kpanngban Efɛz klɔ'n su wa, nán wa ngunmin-ɔn, sanngɛ Azi mɛn wunmuan'n nun-ɔn, ɔ man bé ti nun saci. An tili i kɛ ɔ se sran'm be kɛ, like ng'ɔ ti sran sa nuan like'n, ɔ fata-man kɛ be sɔ i.

Sa nga bé yôli'n 19:35

Kɛ ɔ yoli sɔ'n, klɔ'n su fluwa klɛfuɛ'n guali sran'm be ase, yɛ ɔ usali be kɛ: «?Efɛzfuɛ mun, wan yɛ ɔ si-man kɛ Efɛz klɔ'n nian Artemis b'ɔ ti amuɛn bla dan'n i sua'n nin i ba b'ɔ fin nyanmiɛn su tɔli'n be lika-a?

Mmla'n 4:28

Kpɛkuun amun ´sɔ amuɛn bɔ sran yɛ ɔ yili be mun. Amuɛn sɔ'm be ti waka annzɛ yɛbuɛ bɔ be wun-man ase, be ti-man sa, be kwla di-man like, be bue ti-man nvan'n. Amun ´sɔ be mɛn sɔ'm be nun.