Jue Mun 115:3 - NYANMIƐN NDƐ'N 1998

³ E Nyanmiɛn'n ɔ wo nglo lɔ, like nga i klun klo su kɛ ɔ ´yo'n yɛ ɔ yo-ɔ.

Jue Mun 115:3 ပူးပေါင်းရင်းမြစ်များ

1 Be Nyoliɛ 16:25

afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa,

Zɔb I Nyrɛnnɛn Wunlɛ 23:13

?Yɛ sɛ ɔ ko fa akunndan kun'n, be ´yo i sɛ yɛ ɔ ´kaci aniɛn-ɔn? Like ng'ɔ klo kɛ ɔ ´yo'n, yɛ ɔ yo-ɔ.

Jue Mun 103:19

Anannganman takali i famiɛn bia'n nyanmiɛn su lɔ, ɔ sie ninnge'n kwlaa.

Jue Mun 123:1

Zerizalɛm kɔlɛ'n i su jue, M man mín nyin'n su n nian wɔ bɔ a o famiɛn bia'n su nyanmiɛn'n su lɔ'n.

Jue Mun 135:6

Like kwlaa nga Anannganman waan ɔ ´yo'n, ɔ yo. Sɛ nyanmiɛn b'ɔ la nglo lɔ plaii'n su lɔ o, Sɛ asiɛ'n su wa o, sɛ jenvie'n bo lɔ o, annzɛ kusu bunman'n kwlaa nun o,

Jue Mun 2:4

Kɛ be kɛn i sɔ'n, ɔ kle Anannganman i srilɛ. Ɔ o nyanmiɛn su lɔ ɔ to be mma.

Jue Mun 68:4

Sanngɛ sran nga Nyanmiɛn bu be sran kpa'n, man be klun jɔ, man be tu be kpɛn Nyanmiɛn nyrun, man be bo sro.

Ezai 46:10

N dun mmua m bo sa'm be su lele yɛ be ju-ɔ. Sa nga be nian ju-man'n, n dun mmua n kan be ndɛ lele. N se kɛ: «Sa nga n siesie be kɛ n ´yo'n, be ´yo kpa. Yɛ i kwlaa nga min anwlɛn'n kle kɛ n `yo'n, n ´yo.»

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Matthieu 6:9

I sɔ'n ti'n, amun liɛ'n, an `se kɛ: E si bɔ a o nyanmiɛn su lɔ'n, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn,

Rɔmfuɛ Mun 9:19

Wienun-ɔn, sran wie wa usa n kɛ: «?Sɛ ɔ ti sɔ'n, ɔ yo sɛ ti yɛ Nyanmiɛn fa sa nga e yo'n gua e su-ɔ? Afin sran fi kwla kpalo-man Nyanmiɛn nuan.»

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.