Jue Mun 113:4 - NYANMIƐN NDƐ'N 1998

⁴ Anannganman yɛ ɔ o nvle'm be kwlaa bé su-ɔ. I nyrun nyannyan'n ɔ o nyanmiɛn'n b'ɔ la nglo lɔ plaii'n i su nglo lɔ.

Jue Mun 113:4 ပူးပေါင်းရင်းမြစ်များ

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

Jue Mun 148:13

amun `bo flɛ Anannganman, afin i kunngba yɛ i dunman'n ɔ ti fuwa-a. Ɔ sie asiɛ'n nin nyanmiɛn'n b'ɔ la nglo lɔ plaii'n.

Jue Mun 8:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan sɛ be ´to'n, be `bo jru nga be yo be Gat lɔ'n wie. I waan:

Jue Mun 97:9

Afin wɔ Anannganman, like fi nun-man ɔ sin asiɛ'n su wa. Ɔ dan tra amuɛn mun fatifatifati.

Jue Mun 99:2

Anannganman yɛ ɔ ti dan Siɔn lɔ-ɔ. Ɔ o nvle'm be kwlakwla bé ti su.

Ezai 40:15

Be `nian, nvle-nvle'm be nunfuɛ'm be kwlaa be ti kɛ nzue b'ɔ fin so kun nun kpɛn kpɔ'n sa. Be ti kɛ ndutre kan yɛ ɔ o toe'n su sa. Be `nian, lika nga be o jenvie nuan'n be ti kɛ ndutre kan b'ɔ jaso'n sa.

Ezai 40:17

Kannzɛ be kan nvle-nvle'm be kwlaa bo nun'n, be ti-man like fi i nyrun, be ti kɛ be nun-man mɛn'n nun sa.

Ezai 40:22

Anannganman ti asiɛ'n i ti su nglo lɔ ɔ man asiɛ'n su sran'm be ti kanngan kɛ lalo mun sa. I yɛ ɔ tinngɛli nyanmiɛn ng'ɔ wo e ti su nglo'n i nun kɛ tannin sa-a, i yɛ ɔ trɛli nun kɛ tannin sua sa yɛ ɔ fa yoli i tranwlɛ nin-ɔn.

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?