Jue Mun 112:4 - NYANMIƐN NDƐ'N 1998

⁴ Sran nga be ti sɛsɛfuɛ mun'n, be liɛ'n, kɛ aosin'n ɔ wla tuun'n, kpɛkuun Nyanmiɛn ɔ'a man be kannin. Sran ng'ɔ yaci sa cɛ'n, b'ɔ si aunnvuɛ'n, b'ɔ yo sa i nuan su'n, i kunngba nin-ɔn.

Jue Mun 112:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:17

Siɛn'n ɔ nguan'n, sɛ ɔ ti like bɔ be wun i nin be nyinma'n, wuun n ´se kɛ ɔ ´kpaja kɛ wia jran wia'n sa. Ɔ nguan'n nun aosin'n, ɔ ´kaci kɛ nglɛmun lika b'ɔ kpaja'n sa.

Zɔb I Nyrɛnnɛn Wunlɛ 22:28

I liɛ'n, sa kwlaa nga a gugu kɛ a ´yo'n, ɔ ´yo ye. Atin nga a nanti su'n, ɔ ´yo weiin!

Zɔb I Nyrɛnnɛn Wunlɛ 29:3

I kannin'n ɔ jue mín ti'n su. I kpajalɛ'n ɔ dun mmua min nyrun aosin'n nun.

Jue Mun 106:1

An `manman Anannganman! An `yi i ayɛ, afin ɔ ti kpa. Afin i klun-ufue'n wo lɛ tititi.

Jue Mun 116:5

Anannganman yaci sa cɛ, ɔ yo sa i nuan su. E Nyanmiɛn'n si aunnvuɛ.

Jue Mun 145:17

Ninnge nga Anannganman yo be'n, be kwlaa be kle kɛ ɔ yo sa'n i nuan su nan i klun ti ufue.

Jue Mun 37:6

Ɔ wa yo man ɔ nzuɛn kpa'n ɔ ´fite nglo wein kɛ like bɔ b'a fa sie i lika ng'ɔ kpaja'n nun'n sa. Yɛ ɔ ndɛ fɛ'n kusu ɔ ´fite nglo weiin kɛ like bɔ b'a yi nglo wia kpa'n nun'n sa.

Jue Mun 97:11

Be nga Nyanmiɛn bu be sran kpa'n, be liɛ'n kannin kun kpaja sin yia be. Be nga be anwlɛn'n nun ti weiin, aklunjuɛ'n ti be liɛ.

Nyanndra Mun 21:21

Sran nga nanwlɛ dilɛ nin klun-ufue yolɛ'n ɔ yo i fɛ'n, i sɔfuɛ'n ɔ ´di mɛn ´cɛ. Be bu i sran kpa yɛ ɔ nyan nyrun.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 58:10

sɛ amun fa amun bɔbɔ amun like nga amun di'n i wie man sran nga awe kun i'n, sɛ amun man sran ng'ɔ ti yalɛfuɛ'n i aliɛ'n, sɛ n ´kwla se'n, amún kannin'n ɔ ´fuan aosin'n bɔ amun o nun'n, yɛ lika tuun bɔ amun tran nun'n, ɔ ´yo weiin kɛ wia jran sa.

Ezai 58:8

I liɛ'n, sɛ n ´kwla se'n, amun kpaja weiin kɛ kannin b'ɔ ta'n sa, amun kpaja kɛ nglɛmun wia'n sa, yɛ amún wun kannin'm be ´wie ndɛndɛ kpa, amun sran kpa bɔ amun ti'n, ɔ ´fite nglo weiin kpa, yɛ Anannganman bɔbɔ ɔ ´su amun su ɔ ´sasa amun .

JÉSUS-CHRIST I DYASIN FE'N BO LUC KLELI'N 6:36

An `si aunnvuɛ, kɛ amun Si kusu si aunnvuɛ'n sa.»

Jean 12:46

Min yɛ m bali mɛn'n nun kɛ n ´kpaja lika nun nan sran kwlaa ng'ɔ lafi n su'n ɔ'a tran-man aosin nun.

Efɛzfuɛ Mun 4:32

An `yo amún wun ye, an `si amún wun aunnvuɛ, sa nga amun wiengu yo amun'n, an `yaci cɛ i kɛ Nyanmiɛn kusu yaci sa nga an yoli i'n cɛli amun Krist ti'n sa.

Efɛzfuɛ Mun 5:15

I sɔ'n ti'n, an `nian amun nantilɛ bɔ an fa nanti'n i su kpa. Nán an yo kɛ sran b'ɔ wun-man sa wlɛ'n sa, sanngɛ an `yo ngwlɛlɛfuɛ.

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.

1 Jean 3:7

M mma mun, nán an fa amun wun man sran fi man ɔ laka amun. Sran ng'ɔ yo sa b'ɔ kɔ atin su'n, ɔ ti sran kpa kɛ Krist ti sran kpa'n sa.