Jue Mun 11:7 - NYANMIƐN NDƐ'N 1998

⁷ Afin Anannganman ti sɛsɛ. Ɔ klo like nga be yo i i nuan su sɛsɛ'n. Be bɔ be ti sran kpa'n be ´wun i nyrun'n.

Jue Mun 11:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 36:7

Ɔ yi-mɛn i nyin sran kpa'm be su. Ɔ sie famiɛn mun famiɛn bia'n su. Ɔ man be taka, kpɛkuun i sɔ'n ti be tu bé wun.

Jue Mun 146:8

Anannganman tike anyansifuɛ'm bé nyin. Be nga awlaboɛ'n ɔ'a kun be'n, ɔ wla be nun fanngan. Ɔ klo be b'ɔ bu be sran kpa'n .

Jue Mun 17:15

N liɛ'n, m'an yo-man sa, ɔ man n nian wɔ-ɔ ɔ yo ye. Kɛ n lafi n tinnge'n b'ɔ n wun wɔ'n, n klun jɔ lele tra su.

Jue Mun 21:6

Ɔ ukalɛ bɔ a ukɛ i'n ti, ɔ'a nyan nyrun dan. Ɔ dunman nun ti i nyin a uke, yɛ i nyrun a ba nyan.

Jue Mun 33:18

Be bɔ bé nyin yi Anannganman'n, bɔ be fa bé wla guɛ i ukalɛ b'ɔ uka sran'n su'n, i nyin o be su.

Jue Mun 33:5

Ɔ klo sa nga be yo i i nuan su'n, ɔ klo sa ng'ɔ ti nanwlɛ'n. Anannganman i klun-ufue'n, ɔ yi i nglo asiɛ'n sufuɛ'm be kwlaa be wun i.

Jue Mun 34:15

Ɔ wla sa tɛtɛ'n i ase, ɔ yo sa kpa. Man ɔ nin sran kwlaa be nuan sɛ. Man sran'm be afiɛn siesielɛ'n ɔ kaci i junman.

Jue Mun 37:28

Afin Anannganman klo kɛ be yo like mun sɛsɛsɛ. Ɔ yi-mɛn i sufuɛ bɔ be ti nanwlɛfuɛ'm be ase. Ɔ nian be su tititi. Sanngɛ sa tɛ yofuɛ'm be mma mun nin be anunman mun be ´nunnun mlɔnmlɔnmlɔn.

Jue Mun 42:5

Kɛ mín nyin kpɛnkpɛn min laa nun'n, ɔ kle min sunlɛ. Laa sɔ'n, n dun sran'm be nyrun mmua e nanti e kɔ Nyanmiɛn sua'n nun, wuun be ´kpan be ´bo be sro, e klun jɔ, Nyanmiɛn i ye b'ɔ yoli ye'n ti.

Jue Mun 45:7

Ee Nyanmiɛn, ɔ famiɛn bia'n wo lɛ tititi. Sielɛ nga a sie sran mun'n, a sie be kpa.

Jue Mun 45:8

A klo sa ng'ɔ ti kpa'n, a klo-man sa tɛ'n mlɔnmlɔn. I sɔ'n ti yɛ man Nyanmiɛn b'ɔ ti ɔ Nyanmiɛn'n ɔ fali wɔ b'ɔ guali ɔ su be klun jɔlɛ ngo nin-ɔn. Ɔ yacili ɔ wiengu'm be lɛ ɔ fali wɔ .

Jue Mun 5:12

Sanngɛ be bɔ be talo wɔ'n, man aklunjuɛ yɛ be `di-ɔ. Man be klun jɔ tititi, sasa be. Be bɔ be klo wɔ'n, ɔ dunman nun man be bo sro.

Jue Mun 7:11

Nyanmiɛn ɔ sasa min kɛ nyrɛn sa, ɔ de sran kpa mun.

Jue Mun 7:9

Anannganman, wɔ bɔ a di nvle-nvlefuɛ'm be jɔlɛ'n, kan min ti ndɛ man min, afin m'an yo-man sa.

Jue Mun 99:4

Man be manman famiɛn'n b'ɔ kwla'n, b'ɔ klo nanwlɛ dilɛ'n. Wɔ yɛ a sieli mmla ng'ɔ ti bɔ e nanti su nin-ɔn. Wɔ yɛ a sieli ndɛ siesielɛ'n i wafa'n nin sa nuan su yolɛ'n Izraɛl mɛn'n nun-ɔn.

Nyanndra Mun 15:9

Anannganman klo-man klunwifuɛ'm be nzuɛn'n. Be nga bɔ sa kpa'n yɛ be kunndɛ be yo'n, i klun jɔ bé wun.

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

1 Piɛr 3:12

Afin e Min i nyin wo i sufuɛ nanwlɛfuɛ'm bé su. Yɛ i su o yalɛ nga be koko kle i'n su, sanngɛ ɔ nin be nga be yo sa tɛ'n be kun .»

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

Sa nglô yile 22:4

be ´wun i, be ´klɛ i dunman'n be ngban su .