Jue Mun 11:6 - NYANMIƐN NDƐ'N 1998

⁶ Ɔ ´gua klunwifuɛ'm be su sɛnmlɛn nin sufru, ɔ ´fita be su aunngban kun b'ɔ lo klakla kpa. Sa ng'ɔ ´ju be su'n yɛ ɔ o lɛ-ɔ.

Jue Mun 11:6 ပူးပေါင်းရင်းမြစ်များ

Bo Bolɛ 19:24

Yɛ Anannganman yoli man Sufru fin nglo lɔ jue guali Sodɔm klɔ'n nin Gomɔr klɔ'n be su. Ɔ guali be su dan.

Bo Bolɛ 43:34

Zozɛf man be fɛli i tabli'n su ninnge'n wie mannin be. Bɛnzamɛn liɛ ng'ɔ kpɛ mɛnnin i'n, i dan tra be kwlaa be liɛ'n kpɛ nnun. Be nin i be nɔnnin nzan lele ɔ tili be.

Zɔb I Nyrɛnnɛn Wunlɛ 18:10

Asiɛ'n ɔ kata nyanman sɔ'n b'ɔ trɛ i'n su, yɛ ble ng'ɔ ´tɔ i su'n, ɔ o i atin'n su.

Zɔb I Nyrɛnnɛn Wunlɛ 18:15

Be tran i sua'n nun-ɔn ɔ yo ye, sran nun-man nun kun. Be ´fa sufru be ´guɛ i tranwlɛ'n nun.

Zɔb I Nyrɛnnɛn Wunlɛ 20:23

Kɛ ɔ ´di like'n, wuun Nyanmiɛn i ya'n ɔ'a jaso i wun. Ɔ man nyrɛnnɛn'n ɔ ´tɔ i su kɛ nzue yɛ ɔ su tɔ sa .

Jue Mun 105:32

Be nzue ng'ɔ ko tɔ ko man be'n yɛlɛ nzraama bɔ kɛ nzue'n tɔ-ɔ, ɔ gua'n. Ngblannan'n bɔ cɛ yɛ ɔ kpɛn-ɔn, ɔ sɔ lika'n nyannyannyan

Jue Mun 16:5

Anannganman, min like liɛ nga n nyɛnnin i'n, yɛlɛ wɔ. Wɔ yɛ a ti min wun nyan-man nun-ɔn. Ɔ sa nun yɛ min nguan'n ɔ wo-ɔ.

Jue Mun 18:13

Lika'n ɔ kpɛjɛ i nyrun kpa weiin, kpɛkuun nyanmiɛn ble nin nzraama bɔ kɛ nzue tɔ'n ɔ gua'n, ɔ nin sɛnmlɛn be fin lika ng'ɔ kpaja sɔ'n nun fite.

Jue Mun 32:10

Afɛ wafa-wafa'n kwlaa kpɛ sin yia klunwifuɛ'n pɛ, sanngɛ sran ng'ɔ fɛ i wla gua Anannganman su'n, Anannganman niɛn i lika, ɔ yo i kpa.

Jue Mun 75:8

Afin jɔlɛ difuɛ'n yɛlɛ Nyanmiɛn. Sran nga i waan ɔ ´kɛn i ase'n, ɔ kɛn i ase, nga i waan ɔ ´mɛn i su'n, ɔ mɛn i su.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Ezai 51:22

Amun Min Anannganman Nyanmiɛn'n, b'ɔ jin i nvle'n nun sran'm be sin'n, i waan: «Min ya b'ɔ ti kɛ nzan b'ɔ bo sran sa'n, n ´de i onga b'ɔ ka'n amún sa nun. Amun su nɔn-mɛn i kun.

Zeremi 13:25

Zerizalɛm, sa ng'ɔ wa ju ɔ su'n yɛ ɔ o lɛ-ɔ. Ɔ liɛ nga m'an fa m'an sie wɔ'n yɛ ɔ o lɛ-ɔ. Afin a yili ɔ́ wla min su. A ko fali ɔ́ wla'n guali ato ninnge'm be su.» Anannganman'n yɛ ɔ kan sɔ-ɔ.

Ezekiɛl 13:13

Anannganman wan yoo: Kɛ n wa fa min ya'n, n ´yo man aunngban dan kun fita, min ya falɛ blɛ nun'n, nzue dan kun ´tɔ, kpɛkuun nzraama bɔ kɛ nzue ´tɔ-ɔ ɔ gua'n ɔ gua kekle kpa yɛ ɔ ´nunnun like kwlaa.

Ezekiɛl 38:22

«N ´fa tukpacɛ b'ɔ sa ndɛndɛ nin alɛ'n m bu wɔ fɔ. N ´yo man nzue dan ɔ di wɔ nin wɔ sonja mun nin be kwlaa nga be o wɔ sin'n. N ´yo man nzraama bɔ kɛ nzue ´tɔ-ɔ ɔ gua'n, ɔ nin sufru b'ɔ lo fiaan be ´gua amun su .

Abakik 2:16

?Anyrunnyan like yɛlɛ sɔ'n? ?Nán nyannzuɛn like-ɔ? Amun bɔbɔ amun `nɔn wie nan an yi amun wun kplɛn. Anannganman i ya klowa'n, ɔ wa fa tannin amún ti. Sɛ n ´kwla se'n, amun ´nɔn i ya sɔ'n weiin. Amun anyrunnyan bɔ amun waan amun ´nyɛn i'n, nyannzuɛn yɛ amun wa wun i-ɔ .

JÉSUS-CHRIST I DYASIN FE'N BO LUC KLELI'N 17:29

Sanngɛ cɛn nga Lɔt fin Sodɔm lɔ fiteli'n, sin nin sufru be fin nyanmiɛn su lɔ guali kɛ nzue sa nan ɔ'a nunnun be kwlaa .

Jean 18:11

Jésus seli Piɛr kɛ: «Wla ɔ tokofi'n i bua'n nun. ?A bu i kɛ nyrɛnnɛn nga e Si waan n wun i'n, n su wun-mɛn i?»

1 Samiɛl 1:4

Cɛn nga Ɛlkana yi i tɛ'n, ɔ kpɛ tɛ sɔ'n i nnɛn'n wie mɛn i yi Pɛnina, ɔ nin i mma yasua nin i mma mmla mun be kwlaa.

1 Samiɛl 9:23

Samiɛl seli aliɛ tɔnfuɛ'n kɛ: «Nnɛn nga n fa mannin wɔ'n, bɔ n seli wɔ kɛ a `sie i ngunmin'n, fa bla.»