Jue Mun 103:3 - NYANMIƐN NDƐ'N 1998

³ I yɛ ɔ yaci min wun sa'n kwlaa cɛ min-ɔn. Sɛ n tɔ tukpacɛ'n, i yɛ ɔ yo min juejue-ɔ.

Jue Mun 103:3 ပူးပေါင်းရင်းမြစ်များ

2 Samiɛl 12:13

Yɛ David seli Natan kɛ: «N yoli sa tɛ Anannganman wun.» Natan tɛli David su kɛ: «Anannganman ɔ'a yaci ɔ sa sɔ'n ɔ'a cɛ wɔ . A su wu-man,

Jue Mun 130:4

Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

Jue Mun 130:8

Sa tɛ nga amun yoli'n kwlaa i yɛ man amun ´nyan amun ti be nun-ɔn.

Jue Mun 147:3

Sran nga be anwlɛn'n ɔ'a kpɔtɔ be klun'n, i yɛ ɔ ti be fɔnvɔfuɛ-ɔ. Sɛ like yo be'n, ɔ nian be lika .

Jue Mun 30:2

Anannganman, a ti dan, m ´manman wɔ, afin a mannin min su. Yɛ wɔ man min kpɔfuɛ'm b'a sri-man min.

Jue Mun 41:8

Be nga be kpɔ min'n, be wɔ be nuan ase be didi min wun. Kpɛkuun be bu min wun akunndan tɛ.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Ezai 33:24

Zerizalɛmfuɛ'n wie fi su se-mɛn kɛ: «N kpinndin-man.» B'a yaci be bɔ be tran Zerizalɛm'n bé sa tɛ'n ɔ'a cɛ be.

Ezai 38:17

Siɛn'n, min awlaboɛ'n ɔ'a kaci aunjuɛ a man min, afin a klo min dan, a yoli man wie'n ɔ'a to a fuan min. W'a to mín sa tɛ'm be kwlaa a gua be blo ɔ́ sin lɔ.

Ezai 43:25

M bɔbɔ min yɛ n yaci amún sa tɛtɛ mun n cɛ amun-ɔn. Mín wla su kpɛn-man amún sa tɛ'm be su kun le.

Ezai 53:5

Sanngɛ é sa tɛ'm bɔ e yo be'n be ti yɛ ɔ nyannin kannin mɔnnɛn-mɔnnɛn i wunnɛn'n su-ɔ. E fɔnlɛ bɔ e fɔn'n, i ti yɛ be sisili i wunnɛn nin-ɔn. E fɔ b'ɔ fata kɛ be tu ye nan y'a nyan aunjuɛ'n yɛ ɔ tɔli i su-ɔ. Yɛ i wunnɛn'n susuwa'n nin i kannin'm be ti yɛ man e yo juejue-ɔ.

Zeremi 17:14

Anannganman, yo min juejue. Sɛ a yo min juejue-ɔ, n ´yo juejue sakpa. De min. Sɛ a de min-ɔn, n ´nyan n ti sakpa. Afin wɔ yɛ man n di alaje-ɔ.

Kalɛ 12:13

Yɛ Moiz sun flɛli Anannganman-an, ɔ seli kɛ: «Ee Anannganman, n ´srɛ wɔ kpa ti-ɔ, yo i juejue.»

Marc 2:5

Kɛ Jésus wunnin kɛ be lafi Nyanmiɛn su'n, ɔ seli bubuwafuɛ'n kɛ: «Min wa, sa nga a yoli Nyanmiɛn'n, b'a yaci a cɛ wɔ.»

Efɛzfuɛ Mun 1:7

Kɛ Krist wuli bɔ i mmoja'n guali'n ti, Nyanmiɛn deli é, ɔ yacili sa nga e yoli i'n cɛli ye. I sɔ'n nun e wun ye dan nga ɔ yoli ye

Jacques 5:15

Nyanmiɛn su bɔ be lafi'n ti'n, Nyanmiɛn srɛlɛ sɔ'n man tukpacɛfuɛ sɔ'n ´nyɛn i ti, yɛ e Min'n man ɔ ´jaso. Yɛ sɛ ɔ yoli sa wie'n, ɔ ´yaci cɛ i.