Jue Mun 103:2 - NYANMIƐN NDƐ'N 1998

² N ´la Anannganman i ase, n wla su fi-man like ng'ɔ yo mannin min'n i wie fi su.

Jue Mun 103:2 ပူးပေါင်းရင်းမြစ်များ

2 Be Nyoliɛ 32:25

Sanngɛ sa kpa nga Anannganman yo mannin Ezekias'n, ɔ'a si-mɛn i wun ye. Ɔ tuli i wun dan, i ti Anannganman fɛli i wun ya, yɛ ɔ fali Zerizalɛmfuɛ mun nin Zidafuɛ'm bé wun ya.

Jue Mun 105:5

Anannganman i sufuɛ Abraam i osu nunfuɛ mun, Zakɔb i osu nunfuɛ b'ɔ kpali amun'n, man amún wla kpɛn sa nyɛnmɛn-nyɛnmɛn ng'ɔ yoli be'n be su. Man amun wla kpɛn abonuan sa ng'ɔ yoli be'n, ɔ nin jɔlɛ ng'ɔ dili be'n be su.

Jue Mun 106:21

Bé wla fili Nyanmiɛn b'ɔ ti be defuɛ'n, be wla fili i b'ɔ yoli like dandan mun Ezipt mɛn'n nun lɔ'n.

Jue Mun 106:7

Atrɛ nga a yili be Ezipt lɔ'n, é si'm b'a wun-mɛn i wlɛ. Ye dandan nga a yoli be'n, bé wla ɔ'a kpɛn-man su. Be yoli nyin kekle Ndɛma jenvie'n i nuan lɔ.

Jue Mun 116:12

?Nan nɛnnɛn kpli nga Anannganman ɔ'a di min yɛ'n, nguɛ cɛ yɛ n ´nyɛn i n ´fa lɛ i ase-ɔ?

Ezai 63:1

?Wan yɛ ɔ fin Bɔzra b'ɔ ti Edɔm mɛn'n i famiɛn klɔ'n su lɔ ba-a, b'ɔ wla tralɛ ɔkwlɛ youun nin-ɔn? Ɔ wla tralɛ dan kun b'ɔ ti klanman kpa, ɔ ´nanti-ɔ, i ti'n man su, ɔ nanti fanngan su. Anannganman waan: «Min bɔbɔ-ɔ, min bɔ n kan ndɛ i nuan su nin-ɔn, min bɔ n lɛ sran'm be delɛ'n i wun fanngan nin-ɔn.

Ezai 63:7

N ´kan Anannganman i klun-ufue b'ɔ ti'n i wun ndɛ, n ´kan n ´flan nun. Yɛ n ´kan ye b'ɔ yo ye'n, b'ɔ i ti yɛ e mɛnmɛn i'n, i kwlaa i wun ndɛ. Yɛ n ´kɛn i klun-ufue b'ɔ yi i nglo Izraɛlfuɛ'm be lika'n i wun ndɛ. Like ng'ɔ yoli mannin be i klolɛ'n nin i klun-ufue dan'n ti, n ´kɛn i kwlaa i wun ndɛ.

Mmla'n 32:18

«Izraɛl, ɔ́ wla fili ɔ sasafuɛ bɔ i yɛ ɔ wuli wɔ'n. Ɔ wla fili Nyanmiɛn bɔ i yɛ ɔ mannin ɔ nguan'n.»

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?

Mmla'n 6:12

Sanngɛ amun `nian amún wun kpa, nán amún wla fi Anannganman su. Afin i yɛ ɔ yili amun kanga'n nun fiteli Ezipt mɛn'n nun lɔ-ɔ.

Jɔlɛ Difuɛ Mun 5:2

«Man e la Anannganman'n i ase, afin Izraɛlfuɛ'm be siesieli bé wun kɛ be ´kun alɛ. Sran'm be bali be klun klo kɛ be ´ko kun alɛ sɔ'n.

Jɔlɛ Difuɛ Mun 5:9

N jin Izraɛl kpɛnngbɛn mun ɔ nin be nga be ɔli alɛ kunlɛ be klun klo'n bé sin. Man e la Anannganman i ase.