Jue Mun 101:2 - NYANMIƐN NDƐ'N 1998

² N ´fa min nyin n sie be nga be nanti sein'n be atin'n su kpa. ?Cɛn onin yɛ a ´ba mín wun-ɔn? N ´nanti sein nin anwlɛn kpa min awlofuɛ'm be nyrun.

Jue Mun 101:2 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

2 Samiɛl 8:15

David yoli Izraɛl nvle wunmuan'n su famiɛn. Ɔ di nanwlɛ Izraɛlfuɛ'm be kwlaa be jɔlɛ dilɛ'n nun.

1 Famiɛn Mun 11:4

Kɛ Salomɔn yoli kpɛnngbɛn'n, i yi'm be cuɛnnin i kɛ ɔ sɔ ninnge mun. Ɔ man i Anannganman klolɛ'n yoli kun nin bue. Ɔ'a klo-mɛn i kɛ i si David yoli'n sa.

1 Famiɛn Mun 9:4

Sɛ a nanti sein min atin'n su kɛ ɔ́ si David fa nantili'n sa'n, sɛ a yo sran nanwlɛfuɛ'n, sɛ a nian nga n kan kleli wɔ'n su a yo i sɛsɛsɛ'n, sɛ a fa min mmla fanunfanun'm bé su'n,

2 Be Nyoliɛ 15:17

Kannzɛ Aza kloli Anannganman dan'n, sanngɛ sraka yiwlɛ lika nga be o kpɔlɛ'm be su'n, ɔ'a saci-man be.

2 Be Nyoliɛ 30:12

Zida lɔ kusu'n, Anannganman dili junman sran'm be nun, ɔ man be kwlaa be kplinnin su kɛ be ´yo sa bɔ Nyanmiɛn man famiɛn'n nin i awlo lɔ sran dandan'm be kannin'n i su sa.

Jue Mun 101:6

Be nga be fa bé wla gua bé su-ɔ ɔ yo ye'n, be yɛ n ´kunndɛ be-ɔ, n ´fa be n ´sie mín wun. Sran ng'ɔ nanti sein'n, ɔ ´yo min mantanfuɛ.

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Jue Mun 119:115

Klunwifuɛ mun, amun `jaso min nyrun lɛ, man n fa min Nyanmiɛn i mmla'm bé su.

Jue Mun 26:11

Min liɛ'n, n nantili sein, m'an fɔn-man. Si min aunnvuɛ, yɛ de min.

Jue Mun 40:17

Ɔ sufuɛ nanwlɛfuɛ'm be liɛ'n, man be sri, man be klun jɔ ɔ dunman nun. Be nga be klo wɔ bɔ a de sran mun'n, man be kɛn i titi kɛ: «Anannganman ti dan o!»

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Ezai 38:3

ɔ seli i kɛ: «Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Mmla'n 6:7

Amun `fa kle amun mma mun, sɛ amun ti amun awlo lɔ, amun `kan, sɛ amun wo atin su amun su kɔ lika o, amun `kan, sɛ amun wa la o, sɛ amun tinnge o, amun `kan.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»

1 Samiɛl 22:14

Asimelɛk tɛli famiɛn'n su kɛ: «?Ɔ sufuɛ'm be nun onin yɛ be lafi i su kɛ David sa-a, ɔ yo ye-ɔ? Ɔ ti ɔ sia, i nyin yi wɔ. Wɔ awlo wa sran'm be kwlaa be bo i dunman kpa.