Jue Mun 100:4 - NYANMIƐN NDƐ'N 1998

⁴ Kɛ amun ´wlu i sua'n nun'n, an `to ye silɛ jue. Kɛ an ´wlu i awlo klun lɔ'n, amun `to jue be mɛnmɛn i. An `yi i ayɛ. An `lɛ i ase!

Jue Mun 100:4 ပူးပေါင်းရင်းမြစ်များ

1 Be Nyoliɛ 29:13

I ti e Nyanmiɛn, e ´manman wɔ, yɛ e ´bo flɛ wɔ, afin ɔ dunman'n yo nyɛnmɛn.

1 Be Nyoliɛ 29:20

Yɛ David seli sran'm bɔ b'a yia'n be kɛ: «Amun `la Anannganman amun Nyanmiɛn'n i ase!» Yɛ anyia nunfuɛ'm be kwlaa be lali Anannganman b'ɔ ti be si'm be Nyanmiɛn'n i ase-ɔ. Be kotoli nan b'a utu bé nyin ase Nyanmiɛn nin famiɛn'n be nyrun.

Jue Mun 122:2

Zerizalɛmfuɛ mun, e ja'm b'a kpɛn amun klɔ'm be anuan'n bé nun wa.

Jue Mun 122:4

Lɔ yɛ Izraɛl akpasua'm be kwlaa be yia-a. Anannganman i fuɛ mun-ɔn, be yia be mɛnmɛn i. Kɛ be kleli Izraɛlfuɛ'm be sɔ-ɔ.

Jue Mun 65:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 66:13

N ´wlu ɔ sua'n nun n ´ko yi tɛ nga be yra be nnɛn'n kɔlikɔli'n i wie m ´man wɔ n ´fa yia fualɛ nga n fua kleli wɔ'n i nun bɔ n wo nyrɛnnɛn nun'n i nuan.

Jue Mun 95:2

E `bla i nyrun lɛ nan e `yi i ayɛ. E `to jue, yɛ e `bo jue tolɛ ninnge mun e `mɛnmɛn i.

Jue Mun 96:2

Amun `to jue be manman Anannganman Amun `lɛ i ase. Ɔ ti defuɛ, amun `kɛn i jasin fɛ'n cɛn kwlaa.

Jue Mun 96:8

Amun `bo flɛ i, i nyrun nyannyan'n ti. Ninnge nga an ´fa cɛ i'n, amun `fa ko mɛn i i awlo'n klun lɔ.

Jue Mun 99:3

Man be manman wɔ ɔ dunman b'ɔ ti dan, b'ɔ yo sro'n ti. Ɔ nzuɛn'n nin klɔ sran liɛ'n ti-man kun.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .