Jue Mun 100:2 - NYANMIƐN NDƐ'N 1998

² An `su Anannganman aklunjuɛ su. Kɛ an ´kɔ Anannganman nyrun'n, amun `bo sro be yi be aklunjuɛ'n i nglo be kle i.

Jue Mun 100:2 ပူးပေါင်းရင်းမြစ်များ

1 Famiɛn Mun 8:66

Nan ɔ'a man be atin nan b'a ɔ. Be yrali be nuan klanman be mannin famiɛn'n, nan b'a ɔ be lika'm be nun. Kɛ be ´kɔ'n, bé wun kpaja be, yɛ be klun ti jɔwa kpa, afin Anannganman yoli David b'ɔ ti i sufuɛ'n nin Izraɛl b'ɔ ti i nvle'n be ye.

2 Be Nyoliɛ 29:30

Yɛ famiɛn'n nin i awlo lɔ sran dandan'm be seli Levifuɛ'm be kɛ be to jue bɔ David nin Azaf b'ɔ ti Nyanmiɛn nuan ijɔfuɛ'n be kpɛli'n. Be waan be `to be manman Anannganman. Levifuɛ'm be kpajali bé wun be toli jue'n, i sin be kotoli yɛ be utuli be nyin ase, yɛ be suli Anannganman.

2 Be Nyoliɛ 31:2

Ezekias sieli Nyanmiɛn nyrun jranfuɛ mun nin Levifuɛ'm be akpasua-akpasua ekun. Sran kun i junman ng'ɔ di i akpasua'n su'n, ɔ kleli i. Anannganman i sua'n nun'n, Nyanmiɛn nyrun jranfuɛ mun nin Levifuɛ'm be junman'n yɛlɛ tɛ nga be yra be nnɛn'n kɔlikɔli'n nin bo kun yolɛ'n i su tɛ'm be yilɛ. Wie'm be kusu'n Anannganman sulɛ'n wafa'n nin jue nga be to be mɛnmɛn i'n, be yɛ be nian su-ɔ.

Jue Mun 42:4

Min nyinmuɛn'n yɛ ɔ'a kaci min aliɛ yɛ n di i nglɛmun nin nnɔsua-a, yɛlɛ kɛ sran'm be usa min kɛ: «?Ɔ Nyanmiɛn'n wo nin?»

Jue Mun 71:23

Kɛ m ´bo n ´flɛ wɔ'n, wuun n ´to jue m ´manman wɔ delɛ bɔ a deli min'n ti.

Jue Mun 95:2

E `bla i nyrun lɛ nan e `yi i ayɛ. E `to jue, yɛ e `bo jue tolɛ ninnge mun e `mɛnmɛn i.

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 16:14

Amun nin amun mma yasua mun, nin amun mma bla mun, nin amun kanga yasua mun nin amun afanniɛn bla mun, nin Levifuɛ mun, nin aofuɛ nga be sike amun'n, nin aika mma mun, ɔ nin angboti bla nga be nin amun tran likawlɛ'n, man cɛn sɔ'n yo amun aklunjuɛ cɛn.

Mmla'n 28:47

Blɛ bɔ like kwlakwla ti sin yia amun'n, sɛ amun waan amun tu-man amun klun amun su-man Anannganman amun Nyanmiɛn'n aklunjuɛ su'n,

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .