Jue Mun 10:7 - NYANMIƐN NDƐ'N 1998

⁷ Sannzan cɛ yɛ ɔ fɛ i nuan'n ɔ bo-ɔ. Gblɛ kpɛlɛ nin ndrunmun dilɛ'n ɔ'a yi i piɛ. Ndɛ tɛtɛ b'ɔ kle sran yalɛ'n yɛ ɔ kan be-ɔ. Ɔ man sran wun nyrɛnnɛn .

Jue Mun 10:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 15:35

Sɛ be wunnzɛ sa tɛ'n kɛ be fa wunnzɛ ba sa'n, wuun ba nga be ´wu i'n yɛlɛ nyrɛnnɛn'n. Sa nga be gugu be klun lɔ'n, ɔ laka be.

Zɔb I Nyrɛnnɛn Wunlɛ 20:12

Sa tɛ'n i yolɛ'n ɔ yo i fɛ kɛ like b'ɔ yo be nuan nun fɛ'n sa. Ɔ fa fiɛ i taaman'n bo.

Jue Mun 12:2

Anannganman, de ye! Ɔ sufuɛ nanwlɛfuɛ'm be su nunnun. Be bɔ be lafi be su-ɔ ɔ yo ye'n, be wun-man be wie fi kun.

Jue Mun 140:3

Be liɛ'n, sa tɛ'n i akunndan yɛ be sunnzun i be klun lɔ-ɔ. Cɛn kwlaa alɛ ba yɛ be kpɛ-ɔ.

Jue Mun 140:9

Anannganman, like nga klunwifuɛ'n waan ɔ ´yo'n, nán man ɔ yo ye. Sa ng'ɔ sunnzun'n kɛ ɔ ´yo'n, nán mɛn i wun atin, ɔ ti-mɛn i ti-ɔ, ɔ ´fa di i nuan.»

Jue Mun 144:11

De min aofuɛ mun bɔ be kan gblɛ ndɛ mun, bɔ be ta nda kpɛkuun be di-man su'n, bé sa nun.

Jue Mun 144:8

Be kan gblɛ ndɛ mun. Be ta nda kpɛkuun be di-man su.

Jue Mun 36:3

Ɔ bu i wun sran dan ti ɔ kwla wun-man sa tɛ ng'ɔ yo be mun nan se kɛ ɔ ´kpɔ be.

Jue Mun 41:6

Min kpɔfuɛ'm be kan mín wun ndɛ tɛtɛ. Be usa kɛ: «?Cɛn onin ko yɛ ɔ ´wu-ɔ? ?Cɛn onin yɛ i dunman'n ɔ ´nunnun-ɔn?»

Jue Mun 5:9

Anannganman! A ti Nyanmiɛn bɔ a ti nanwlɛfuɛ, kle min atin'n. Min kpɔfuɛ'm be ti, siesie atin nga a klo kɛ n fa su'n man min.

Jue Mun 50:19

Sran'm bé wun ndɛ tɛtɛ kanlɛ'n, ɔ mian-man wɔ nuan nun kaan sa. Ato bualɛ'n yɛ ɔ ti wɔ junman bɔ a di-ɔ.

Jue Mun 52:4

Gblɛfuɛ tɛ, ɔ nuan b'ɔ ti kɛ laliɛ lɛman sa'n, yɛ a fa siesie sa tɛ yolɛ'n cɛn kwlaa a sin-ɔn.

Jue Mun 55:21

Nian, gblɛfuɛ'n, ɔ nin i janvuɛ mun b'a nyɛn i. Nda ng'ɔ tali'n, ɔ'a di-man su kun.

Jue Mun 58:3

Ɔ kwla yo-man sɔ mlɔnmlɔn. Amun nyinfu amun di sran'm be ndrunmun. Sran'm bé sa kekleekle yɛ amun yo be lika'n nun-ɔn.

Jue Mun 59:12

Nán ka lɛ nunnun be, ɔ yo sɔ-ɔ min nvle'n nunfuɛ'm bé wla ´fi kɛ a kwla. Min Min, wɔ bɔ a ti kɛ e nyrɛn sa'n, yi wɔ fanngan'n i nglo, yo man be wlan sin vaa ngbɛn nan be tɔ.

Jue Mun 59:13

Ndɛ kwlaa nga be kan'n, ɔ ti tɛ kpan, ɔ man be fɔn. Man be tɔ be bɔbɔ be tutre'n nun kɛ aya sa! Be klo amuɛn wualɛ nin gblɛ kpɛlɛ ngboko.

Jue Mun 62:4

?Cɛn onin ko nan amu'an yaci sran su ju gualɛ kɛ amun ´kunndɛ kun i'n? Amun yo i kɛ talɛ wie bɔ ɔ'a cia annzɛ kɛ awa wie b'ɔ ti yɛkɛyɛkɛ bɔ be su bé bo yi'n sa.

Jue Mun 64:3

De min klunwifuɛ bɔ be cici min wun sa'n bé sa nun. De min sran kpanngban woo bɔ be yo sa tɛtɛ'n bé sa nun.

Jue Mun 7:14

Ɔ siesie sran sɔ'n i kunlɛ like'n, ɔ fa sin wlawla i ta mma'm bé nuan, be yo kɛ tɛ sa, ɔ sɔ bé nuan sie.

Jue Mun 73:8

Be yo sran'm be finfin. Sran'm be nyrɛnnɛn klelɛ akunndan yɛ be bu-ɔ. Be ijɔ dandan.

Nyanndra Mun 21:6

Be nga bɔ awie yɛ be fa nyan bé wun'n, be ti sinnglinfuɛ. Be su kpɛkpɛ be nguan nyanman'n nun.

Nyanndra Mun 30:8

Be yɛ: nán man n kpɛ gblɛ yɛ nán man m bua ato le. Nán man n di yalɛ kusu nán man n nyan mín wun. Mín nuan nun aliɛ b'ɔ ju min'n yɛ ´man min-ɔn.

Ezai 59:4

Gblɛ sa'm be su yɛ amun kwlaa amun jran be sanman be wiengu-ɔ. Yɛ amun kwlaa amun bua ato jɔlɛ difuɛ'm be nyrun. Amun lafi ninnge ngbɛn-ngbɛn'm be su yɛ amun kan ndɛ bɔ ti-man ndɛ nin-ɔn. Amun bu klunwi yolɛ'n i akunndan, kpɛkuun i agualiɛ su'n, sa tɛtɛ'n yɛ amun yo-ɔ.

Zeremi 9:3

«An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Zeremi 9:6

I sɔ'n ti Anannganman b'ɔ sie mɛn wunmuan'n wan yoo: «N wa yi be nun fiɛn'n kɛ sika tɔnfuɛ'n fa yo'n sa. N ´sa be n ´nian. Afin be sa tɛ'n ti san i sɔ like cɛ yɛ n ´fa yo be-ɔ.

Amɔs 8:4

Amun bɔ an tɛ tia mɛn'n nun aunnvuɛfuɛ'm be su bɔ amun waan nán amún nyinma wun be nga be lɛ-man nyrun mɛn nun'n, an `tie ndɛ ng'ɔ o yɛ'n:

Matthieu 12:34

?Ɔnda mma mun, amun bɔ an ti sran tɛ'n, ɔ yo sɛ yɛ ndɛ kpa kwla fin amún nuan fite-ɔ? Afin ndɛ kwlaa ng'ɔ o sran anwlɛn'n nun'n yɛ ɔ fite i nuan-an.